ന്യൂഡെൽഹി: യു പി എസ് സിയിലേക്ക് മുസ്ലിംകൾ നുഴഞ്ഞുകയറുന്നുവെന്ന് ആരോപിക്കുന്ന സുദർശൻ ടിവിയുടെ പരിപാടിക്കെതിരെ കേന്ദ്ര സർക്കാർ സുപ്രീം കോടതിയിൽ. സുദർശൻ ടിവി, പ്രോഗ്രാം കോഡ് ലംഘിച്ചുവെന്ന് കേന്ദ്ര സർക്കാർ സുപ്രീം കോടതിയിൽ പറഞ്ഞു, വിഷയത്തിൽ അധികൃതർക്ക് കാരണം കാണിക്കൽ നോട്ടീസ് നൽകിയതായും കേന്ദ്രം സുപ്രീം കോടതിയെ അറിയിച്ചു.
മുസ്ലിം സമുദായത്തെ അധിക്ഷേപിക്കുന്നുവെന്ന കാരണത്താൽ സുദർശൻ ടിവിയുടെ ചാനൽ പരിപാടി പ്രക്ഷേപണം ചെയ്യുന്നത് നിർത്തിവെക്കാൻ നേരത്തെ സുപ്രീം കോടതി ഉത്തരവിട്ടിരുന്നു.
Also Read: ഫേസ്ബുക്ക് ഇന്ത്യക്കെതിരെ ഒക്ടോബർ 15 വരെ നടപടി പാടില്ല; സുപ്രീം കോടതി
സുദർശൻ ടിവി ഓഗസ്റ്റ് 28 -ന് പ്രക്ഷേപണം ചെയ്ത ഒരു എപ്പിസോഡിലാണ് മുസ്ലിം സമുദായത്തിനെ അപമാനിക്കുന്ന പരാമർശം ഉള്ളത്. പ്രസ്തുത എപ്പിസോഡ് സംപ്രേഷണം ചെയ്യപ്പെട്ട ശേഷം നിരവധി സംഘടനകളും വ്യക്തികളും ഈ പരിപാടിക്കെതിരെ സുപ്രീം കോടതിയെ സമീപിച്ചിരുന്നു. ഇതേത്തുടർന്ന് പരിപാടിക്ക് സുപ്രീം കോടതി വിലക്ക് ഏർപ്പെടുത്തി.
Kerala News: കേരളാ പോലീസിന്റെ ഹെലികോപ്ടർ ആറ് മാസത്തിനിടെ പറന്നത് അഞ്ച് തവണ മാത്രം
പരിപാടി മുസ്ലിംകളെ അപമാനിക്കുന്നതാണെന്നും ഒരു സമുദായത്തെ പ്രത്യേക സന്ദർഭത്തിൽ ലക്ഷ്യം വെക്കാനാകില്ലെന്നും സുപ്രീം കോടതി വ്യക്തമാക്കി. പരിപാടി മുസ്ലിം സമുദായത്തെ അധിക്ഷേപിക്കുന്നതാണെന്ന് ആയിരുന്നു കോടതിയുടെ നിരീക്ഷണം.