യുഎഇ : 49 ആം യുഎഇ ദേശീയ ദിനത്തോട് അനുബന്ധിച്ച് 49 ജിബി സൗജന്യ ഇന്റര്‍നെറ്റ് ഓഫര്‍ പ്രഖ്യാപിച്ച് ടെലികോം കമ്പനികള്‍. ഇത്തിസാലാത്ത്, ഡു എന്നീ ടെലികോം കമ്പനികളാണ് ദേശീയ ദിനാഘോഷത്തിന്റെ ഭാഗമായി ഇത്തരമൊരു ഓഫറുമായി രംഗത്ത് വന്നത്. കൂടാതെ സോഷ്യല്‍ മീഡിയയിലൂടെ കമ്പനികള്‍ നല്‍കിയ അറിയിപ്പില്‍ ഈ ഓഫര്‍ എമിറാത്തി ഉപഭോക്‌താക്കള്‍ക്ക് ആയിരിക്കുമെന്നും വ്യക്‌തമാക്കുന്നുണ്ട്.
ഇത്തിസാലാത്ത് ഉപഭോക്‌താക്കള്‍ക്ക് ഓഫര്‍ നല്‍കിയിരിക്കുന്നത് ഡിസംബര്‍ രണ്ട്, മൂന്ന് തീയതികളിലാണ്. എന്നാല്‍ നവംബര്‍ 30 നും ഡിസംബര്‍ 3 നും ഇടയില്‍ മൂന്ന് ദിവസം 49 ജിബി ഇന്റര്‍നെറ്റ് പ്രീ പെയ്ഡ്, പോസ്‌റ്റ് പെയ്ഡ് ഉപഭോക്‌താക്കള്‍ക്ക് ലഭിക്കുമെന്നാണ് ഡു അറിയിച്ചിരിക്കുന്നത്. ഓഫര്‍ ലഭിക്കാനായി ഇത്തിസാലാത്ത് ഉപഭോക്‌താക്കള്‍ *49# എന്ന നമ്പറും ഡു ഉപഭോക്‌താക്കള്‍ *055*49# എന്ന നമ്പറും ഡയല്‍ ചെയ്‌ത്‌ ഓഫര്‍ ആക്‌ടിവേറ്റ് ചെയ്യാമെന്ന് കമ്പനികള്‍ വ്യക്‌തമാക്കി.
Read also : ഇന്ത്യ-നേപ്പാൾ നയതന്ത്ര ബന്ധം; നേപ്പാൾ വിദേശകാര്യ മന്ത്രി ഇന്ത്യയിലേക്ക്
