റായ്പൂർ: ഇത്തവണ ഛത്തീസ്ഗഢ് നിയമസഭയിലേക്ക് ബജറ്റുമായി ഒരു അസാധാരണ വരവാണ് മുഖ്യമന്ത്രി ഭൂപേഷ് ബാഗേൽ നടത്തിയത്. പശുവിന് ചാണകം കൊണ്ട് നിര്മിച്ച ബ്രീഫ്കേസിലാണ് ഭൂപേഷ് ബാഗേൽ ബജറ്റ് നിയമസഭയിലേക്ക് കൊണ്ടുവന്നത്.
ചാണകം കൊണ്ടുണ്ടാക്കിയ ചതുരാകൃതിയിലുള്ള പെട്ടിയുമായി ബാഗേൽ നിയമസഭയിലെ തന്റെ ഓഫിസിൽ ഫോട്ടോക്ക് പോസ് ചെയ്തു. തിങ്കളാഴ്ചയാണ് ഛത്തീസ്ഗഢ് നിയമസഭയില് 2022-23 സാമ്പത്തിക വര്ഷത്തെ ബജറ്റ് സമ്മേളനം ആരംഭിച്ചത്.
കര്ഷകരുടെ വരുമാനം വർധിപ്പിക്കുന്നതിനും കന്നുകാലി സംരക്ഷണത്തിനും കൂടുതല് ഊന്നല് നല്കുന്നതായിരിക്കും തന്റെ ബജറ്റ് എന്നാണ് ചത്തീസ്ഗഢ് മുഖ്യമന്ത്രി ബജറ്റിന് മുന്പ് മാദ്ധ്യമങ്ങളോട് പറഞ്ഞത്. 2020ലെ ബജറ്റില് തന്നെ കര്ഷകരില് നിന്നും ചാണകം ശേഖരിച്ച് വിവിധ ഉൽപന്നങ്ങൾ നിർമിക്കുന്ന പദ്ധതി കോണ്ഗ്രസ് നേതൃത്വത്തിലുള്ള ചത്തീസ്ഗഢ് സര്ക്കാര് പ്രഖ്യാപിച്ചിരുന്നു.
തന്റെ സർക്കാരിന്റെ നാലാമത്തെ ബജറ്റാണ് ഭൂപേഷ് ബാഗേൽ അവതരിപ്പിക്കുന്നത്. ‘എക് പാഹല് (‘Ek Pahal’) വനിത സഹകരണ സംഘമാണ് ചാണകം കൊണ്ടുള്ള പെട്ടി നിർമിച്ചത്. റായ്പൂർ മുനിസിപ്പാലിറ്റിയിലാണ് പെട്ടി നിർമിച്ച വനിതാ സഹകരണ സംഘം പ്രവര്ത്തിക്കുന്നത്. 10 ദിവസം എടുത്താണ് വിവിധ അടരുകളായി ചാണകപ്പൊടി ഉപയോഗിച്ച് പെട്ടി നിര്മിച്ചത് എന്നാണ് നവഭാരത് ടൈംസ് റിപ്പോർട് ചെയ്യുന്നത്.
All set to present the state budget at the Chhatisgarh Assembly on Wednesday, Chief Minister Bhupesh Baghel walked in with a briefcase, not made of leather, jute or plastics, but of cow dung.#Congress https://t.co/SVazF7lK5w
— Gautam Mukherjee (@gdmukherjee) March 9, 2022
Most Read: രാജ്യസഭാ സീറ്റ്; എൽഡിഎഫ് തീരുമാനിക്കുമെന്ന് കാനം രാജേന്ദ്രൻ