കോവിഡ് ദുരന്ത സാഹചര്യത്തിൽ പ്രതിരോധം തീർക്കാനുള്ള ‘കോവാക്‌സിൻ’ വില പ്രഖ്യാപിച്ചു. സംസ്‌ഥാനങ്ങൾക്ക് 600 രൂപക്ക് നൽകുമ്പോൾ സ്വകാര്യ ആശുപത്രികളിൽ 1200നും ലഭ്യമാക്കും എന്നാണ് കമ്പനി അറിയിക്കുന്നത്.
രാജ്യത്തിന് പുറത്തേക്ക് കയറ്റുമതി ചെയ്യുമ്പോൾ ഡോസിന് 15-20 ഡോളർ വരെയാവും ഈടാക്കുകയെന്നും കമ്പനി പുറത്തിറക്കിയ വാർത്താ കുറിപ്പിൽ പറയുന്നു. ഭാരത് ബയോടെക് തദ്ദേശീയമായി വികസിപ്പിച്ച കോവിഡ് പ്രതിരോധ മരുന്നാണ് കോവാക്‌സിൻ.
കോവാക്‌സിന് പുറമേ, കോവിഷീൽഡ് വാക്‌സിനും രാജ്യത്ത് ഉത്പാദിപ്പിക്കുന്നുണ്ട്. പൂനെ സിറം ഇൻസ്‌റ്റിറ്റ്യൂട്ടാണ് കോവിഷീൽഡ് നിർമിക്കുന്നത്. 400 രൂപയ്‌ക്കാണ്‌ കോവിഷീൽഡ് സംസ്‌ഥാന സർക്കാറുകൾക്ക് കൈമാറുന്നത്. സ്വകാര്യ ആശുപത്രികൾക്ക് നൽകുന്നത് 600 രൂപയ്‌ക്കും. ആകെ നിർമിക്കുന്ന വാക്‌സിനുകളിൽ 50 ശതമാനം കേന്ദ്രസർക്കാരിനു നൽകും. എന്നാൽ, ഇതിന്റെ വില എത്രയാകുമെന്നത് വ്യക്‌തമാക്കിയിട്ടില്ല.
Most Read: പ്രാണവായു നിഷേധം കിരാതം: കക്ഷിരാഷ്‌ട്രീയം മാറ്റിവച്ച് സർക്കാരിനെ സഹായിക്കുക; കാന്തപുരം
