ന്യൂഡെൽഹി: 2021 ജനുവരിയോടെ ഇന്ത്യയിൽ കോവിഡ് വാക്സിൻ വിതരണം ചെയ്യുമെന്ന് സെറം ഇൻസ്റ്റിറ്റ്യൂട്ട്. കോവിഷീൽഡ് വാക്സിനാണ് ലഭ്യമാക്കുക. സർക്കാർ അനുമതി ലഭിച്ചാൽ 10 കോടി ഡോസ് വാക്സിൻ 250 രൂപ നിരക്കിൽ വിതരണം ചെയ്യുമെന്നും സെറം ഇൻസ്റ്റിറ്റ്യൂട്ട് ഓഫ് ഇന്ത്യ മേധാവി അഡാര് പൂനാവാല പറഞ്ഞു.
അസ്ട്ര സെനക മരുന്ന് കമ്പനിയുമായാണ് സെറം ഇൻസ്റ്റിറ്റ്യൂട്ട് കരാറിലെത്തിയത്. നാലു കോടി ഡോസ് ഇതിനകം തയ്യാറാണെന്ന് അഡാര് പൂനാവാല പറഞ്ഞു. ലൈസന്സ് നടപടി ക്രമങ്ങള് പൂര്ത്തിയാക്കിയ ശേഷമേ വിതരണം ചെയ്യാനാവൂ.
30 കോടി മുതൽ 40 കോടി വരെ ഡോസുകൾ ജൂലൈ മാസത്തോടെ ലഭ്യമാക്കാനാണ് ലക്ഷ്യമിടുന്നത്. സെറം ഇൻസ്റ്റിറ്റ്യൂട്ട് ഡോസ് ഒന്നിന് ആയിരം രൂപ വിലയിടും. 500-600 രൂപക്ക് സ്വകാര്യ വിപണിയിൽ നൽകും. 250നോ അതിൽ താഴെയോ വിലക്കാകും സർക്കാരിന് നൽകുകയെന്നും സിഇഒ വ്യക്തമാക്കി.
Also Read: കോവിഡ് 19; എട്ട് സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി ഇന്ന് ചര്ച്ച നടത്തും