ന്യൂഡെൽഹി: രാജ്യത്ത് കോവിഡ് സാഹചര്യം രൂക്ഷമായ എട്ട് സംസ്‌ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി ഇന്ന് ചര്‍ച്ച നടത്തും. വാക്‌സിൻ വിതരണത്തിലെ മുന്‍ഗണനയടക്കം യോഗത്തില്‍ ചര്‍ച്ചയാകും. നീതി ആയോഗിലെ ഉന്നത ഉദ്യോഗസ്‌ഥരുമായി വാക്‌സിൻ വികസനം, സംഭരണം, വിതരണം തുടങ്ങിയ കാര്യങ്ങളെക്കുറിച്ച് പ്രധാനമന്ത്രി കഴിഞ്ഞ ദിവസം ചർച്ച നടത്തിയിരുന്നു. ഇതിന്റെ അടിസ്‌ഥാനത്തിൽ എടുത്ത തീരുമാനങ്ങൾ യോഗത്തിൽ അറിയിച്ചേക്കും.
രോഗ വ്യാപനം രൂക്ഷമായ സംസ്‌ഥാനങ്ങള്‍ പലതും നിയന്ത്രണങ്ങള്‍ പുനസ്‌ഥാപിക്കുകയാണ്. കൂടുതല്‍ നിയന്ത്രണങ്ങൾ ആവശ്യമുണ്ടോയെന്ന് യോഗത്തിൽ ചർച്ച ചെയ്യും. ഓൺലൈൻ മുഖേനയാണ് യോഗം നടക്കുന്നത്.
രോഗ വ്യാപനം രൂക്ഷമാവുന്ന സാഹചര്യത്തിൽ ഡെൽഹി, രാജസ്‌ഥാൻ, ഗോവ, ഗുജറാത്ത് സംസ്‌ഥാനങ്ങളിൽ നിന്ന് വരുന്ന ആളുകൾക്ക് കോവിഡ് പരിശോധന നിർബന്ധമാക്കാൻ മഹാരാഷ്‌ട്ര സർക്കാർ തീരുമാനിച്ചിരുന്നു.
വിമാനമാർഗം വരുന്നവർ 72 മണിക്കൂറിനുള്ളിലും, ട്രെയിൻ മാർഗം വരുന്നവർ 96 മണിക്കൂറിനുള്ളിലും ആര്‍ടിപിസിആർ പരിശോധന നടത്തിയിരിക്കണം എന്നാണ് ഉത്തരവിൽ പറയുന്നത്. പരിശോധനാ ഫലമില്ലാത്ത യാത്രക്കാർ വിമാനത്താവളത്തിൽ സ്വന്തം ചെലവിൽ ആര്‍ടിപിസിആര്‍ പരിശോധന നടത്തേണ്ടി വരും.
നവംബർ മാസം ആരംഭിച്ചതിന് ശേഷം ഡെൽഹി, ഗുജറാത്ത് എന്നിവിടങ്ങളിൽ രോഗബാധ വർധിക്കുകയാണ്. ഗുജറാത്തിൽ കാര്യങ്ങൾ കൈവിട്ടു പോവുകയാണെന്ന് സുപ്രീം കോടതി ഇന്നലെ നിരീക്ഷിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
