മണ്ഡലത്തിലെ കോവിഡ് സാഹചര്യം വിലയിരുത്താൻ നജീബ് കാന്തപുരം വിളിച്ചുചേർത്ത ഒരു യോഗത്തിൽ നിന്നുള്ള ദൃശ്യം
പെരിന്തല്‍മണ്ണ: മണ്ഡലത്തിലെ കോവിഡ് പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കുന്നതിനും ജനങ്ങളുടെ ആരോഗ്യത്തിനും ജീവനും സുരക്ഷ ഉറപ്പു വരുത്താനും ആവശ്യമായ പ്രവര്‍ത്തനങ്ങള്‍ക്കാണ് പ്രഥമ പരിഗണന നല്‍കുകയെന്ന് നിയുക്‌ത എംഎൽഎ നജീബ് കാന്തപുരം.
ഇതിന് മുന്നോടിയായി, ആരോഗ്യ കേന്ദ്രങ്ങളിലെ സംവിധാനങ്ങള്‍ വിലയിരുത്തുന്നതിനായി വിവിധ സ്‌ഥലങ്ങളില്‍ ഇദ്ദേഹം നേരിട്ട് സന്ദര്‍ശനം നടത്തി. ഏലംകുളം കുടുംബാരോഗ്യ കേന്ദ്രം, മേലാറ്റൂര്‍ സാമൂഹികാരോഗ്യ കേന്ദ്രം, വെട്ടത്തൂര്‍ പ്രാഥമിക ആരോഗ്യ കേന്ദ്രം എന്നിവിടങ്ങളിലാണ് സന്ദര്‍ശനം നടത്തിയത്.
കോവിസ്19 വ്യാപനം ക്രമാതീതമായി വർധിക്കുന്ന സാഹചര്യത്തിൽ ചികിൽസാ സൗകര്യങ്ങള്‍ വിലയിരുത്തുകയും നിലവിലുള്ള സംവിധാനങ്ങളുടെ കാര്യക്ഷമമായ പ്രവര്‍ത്തനം ഉറപ്പാക്കുന്നതിനും വേണ്ടിയായിരുന്നു സന്ദർശനം. അടിയന്തരമായി ഓരോ പ്രദേശത്തും ചെയ്യേണ്ട കാര്യങ്ങള്‍ എന്തൊക്കെയാണ് എന്നും അവ നടപ്പിലാക്കേണ്ട രീതിയും സംബന്ധിച്ച് ബന്ധപ്പെട്ടവരുമായി ചര്‍ച്ച നടത്തുകയും ഉപദേശങ്ങളും നിർദ്ദേശങ്ങളും ആരായുകയും ചെയ്‌തു കൊണ്ടാണ് സന്ദർശനം അവസാനിപ്പിച്ചത്.
മുഴുവന്‍ ആളുകളുടെയും ബന്ധപ്പെട്ടവരുടെയും സഹകരണത്തോടെ രോഗവ്യാപനം തടയുന്നതിന് ആവശ്യമായ കാര്യങ്ങൾ നടപ്പിലാക്കുക, അത്യാവശ്യമുള്ളവർക്ക് ചികിൽസ ഉറപ്പുവരുത്തുക, പട്ടിണി കിടക്കുന്നവർ ഇല്ല എന്ന് ഉറപ്പാക്കുക എന്നിങ്ങനെ വിവിധ മാർഗങ്ങളിലൂടെ കോവിഡ് പ്രതിസന്ധിയെ അതിജീവിക്കുക എന്നതാണ് നിലവിലെ ലക്ഷ്യം; നജീബ് വ്യക്‌തമാക്കി. ഭാവിയില്‍ ആരോഗ്യ കേന്ദങ്ങള്‍ മികവുറ്റതാക്കുന്നതിന് മാസ്‌റ്റർ പ്ളാൻ തയ്യാറാക്കി വികസന പദ്ധതികള്‍ നടപ്പിലാക്കുമെന്നും നജീബ് കാന്തപുരം കൂട്ടിച്ചേർത്തു.
ഏലംകുളം കുടുംബരോഗ്യ കേന്ദ്രത്തിലേക്ക് ആവശ്യമുള്ള സംവിധാനങ്ങൾ ഒരുക്കുന്നതിന് വേണ്ടി ഗ്രാമ പഞ്ചായത്ത് പ്രസിഡണ്ട് സി സുകുമാരന്‍ നിവേദനം നല്‍കി. ആവശ്യമായ സൗകര്യങ്ങള്‍ ഉടനെ തന്നെ ലഭ്യമാക്കുമെന്ന് ഉറപ്പുനല്‍കിയതായി നജീബ് പറഞ്ഞു.
വിവിധ സ്‌ഥലങ്ങളിലെ സന്ദർശനത്തിൽ പെരിന്തല്‍മണ്ണ ബ്‌ളോക്ക് പഞ്ചായത്ത് പ്രസിഡണ്ട് അഡ്വ. എകെ മുസ്‌തഫ, വെട്ടത്തൂര്‍ പഞ്ചായത്ത് പ്രസിഡണ്ട് സിഎം മുസ്‌തഫ, ബ്‌ളോക്ക് പഞ്ചായത്ത് മെമ്പര്‍മാരായ അസീസ് പട്ടിക്കാട്, മുഹമ്മദ് നയീം, നാലകത്ത് ഷൗക്കത്ത്, കമല ടീച്ചര്‍, ഉസ്‌മാൻ, ഏലംകുളം ഗ്രാമപഞ്ചായത്ത് വൈസ് പ്രസിഡണ്ട് ഹൈറുന്നീസ ടീച്ചര്‍, ഗ്രാമ പഞ്ചായത്ത് അംഗങ്ങളായ കെ ഭാരതി, എം രമ്യ, സല്‍മ കുന്നക്കാവ്, ശ്രീനിവാസന്‍, ഫസീല, മാജിദ്, ഗിരിജ ടീച്ചര്‍, പികെ കേശവന്‍, പി അബ്‌ദുറഹ്‌മാൻ മാസ്‌റ്റര്‍, കെടി ബക്കര്‍ മാസ്‌റ്റര്‍, മെഡിക്കല്‍ ഓഫീസര്‍ ഡോ. ഫൗസിയ, ഹെല്‍ത്ത് ഇന്‍സ്‌പെക്‌ടർ മനോജ്, എന്‍ ഉസ്‌മാൻ മാസ്‌റ്റര്‍, കെഎം ഉബൈദുള്ള, കെ ജലീല്‍, അനില്‍കുമാര്‍, കെഇ ഹംസഹാജി, കോഴിത്തൊടി ഹമീദ്, കെടി ഷിയാസ്, പികെ മജീദ് എന്നിവർ സംബന്ധിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
