ന്യൂയോർക്ക്: ലോകത്തിലെ ആകെ കോവിഡ് ബാധിതരുടെ എണ്ണം ഇരുപത് കോടി പിന്നിട്ടു. വേൾഡോ മീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ ആറ് ലക്ഷത്തിലധികം കേസുകളാണ് റിപ്പോർട് ചെയ്‌തത്‌. 42.58 ലക്ഷം പേരാണ് ഇതുവരെ മരണപ്പെട്ടത്.
പതിനെട്ട് കോടി പേർ രോഗമുക്‌തി നേടിയിട്ടുണ്ട്. യുഎസ്, ഇന്ത്യ, ബ്രസീൽ എന്നീ രാജ്യങ്ങളാണ് രോഗബാധിതരുടെ എണ്ണത്തിൽ ആദ്യ മൂന്ന് സ്‌ഥാനങ്ങളിലുള്ളത്. യുഎസിൽ ആകെ മൂന്ന് കോടി അറുപത് ലക്ഷം രോഗബാധിതരാണ് ഉള്ളത്. കഴിഞ്ഞ 24 മണിക്കൂറിനിടെ ഏകദേശം 90,000ത്തോളം രോഗികളാണ് യുഎസിൽ റിപ്പോർട് ചെയ്‌തത്‌.
6.30 ലക്ഷം പേരാണ് ഇവിടെ മരണപ്പെട്ടത്. ഇന്ത്യയിൽ കഴിഞ്ഞ ദിവസം 30,549 പേർക്കാണ് രോഗം സ്‌ഥിരീകരിച്ചത്. രോഗബാധയിൽ മൂന്നാം സ്‌ഥാനത്തുള്ള ബ്രസീലിൽ ഇതുവരെ 1.99 പേർക്കാണ് കോവിഡ് സ്‌ഥിരീകരിച്ചത്. മരണസംഖ്യ 5.58 ലക്ഷം.
Read Also: പ്രതിപക്ഷ പ്രതിഷേധത്തിൽ സംയമനം പാലിക്കുക; ഭരണപക്ഷ എംപിമാരോട് മോദി
