കൊച്ചി: കോവിഡ് കാലത്തും സാധാരണക്കാർക്ക് ഇരുട്ടടിയായി വീണ്ടും പെട്രോള്-ഡീസല് വില കൂട്ടി. അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് ഫലം പ്രഖ്യാപിച്ചതിന് പിന്നാലെ തുടർച്ചയായ ദിവസങ്ങളിൽ ഇന്ധനവില കൂടുകയാണ്. കൊച്ചിയില് ഇന്നത്തെ പെട്രോള് വില ലിറ്ററിന് 91.9 രൂപയാണ്.
ഡീസലിന് 86.8 രൂപയായി. പെട്രോള് വില ലിറ്ററിന് 27 പൈസയാണ് വര്ധിപ്പിച്ചത്. ഡീസലിന് 32 പൈസയും കൂട്ടി. കഴിഞ്ഞ ദിവസങ്ങളിലായി പെട്രോള് വിലയില് വലിയ വര്ധനയാണ് രേഖപ്പെടുത്തുന്നത്. കോവിഡ് പ്രതിസന്ധി ഏറ്റവും രൂക്ഷമായ മഹാരാഷ്ട്രയിൽ ഉൾപ്പടെ ഇന്ധനവില നൂറ് കടന്നു.
Read Also: കോവിഡ് അനുഭവം ദുരിതം; വരാനിരിക്കുന്നത് കഠിനമായ ദിനങ്ങൾ; മന്ത്രി വിഎസ് സുനിൽകുമാർ