പത്തനംതിട്ട: പൊട്ടിവീണ വൈദ്യുതി കമ്പിയിൽ നിന്ന് ഷോക്കേറ്റ് വയോധിക മരിച്ചു. പത്തനംതിട്ട ഏനാത്ത് റഹ്‌മാൻ മൻസിലിൽ ഫാത്തിമുത്ത്(74) ആണ് മരിച്ചത്. ഇന്ന് പുലർച്ചെ 5.30ന് ആണ് അപകടം നടന്നത്. പ്രഭാത സവാരിക്കിടെയായിരുന്നു അപകടം. ഇന്നലെ രാത്രി പെയ്‌ത കനത്ത മഴയിൽ വൈദ്യുതിക്കമ്പി പൊട്ടിവീണതാണ് അപകടത്തിന് ഇടയാക്കിയത്.
വൈദ്യുതാഘാതമേറ്റ ഫാത്തിമുത്തിനെ രക്ഷിക്കാൻ കൂടെ ഉണ്ടായിരുന്ന മകൻ ഉൾപ്പടെ ശ്രമിച്ചിരുന്നെങ്കിലും ലൈനിൽ വൈദ്യുതി ഉണ്ടായിരുന്നതിനാൽ രക്ഷാപ്രവർത്തനം തടസപ്പെട്ടു. അപകട സമയത്ത് മകനും കൊച്ചുമകനും കൂടെ ഉണ്ടായിരുന്നെങ്കിലും ഇരുവരും അത്‌ഭുതകരമായി രക്ഷപ്പെടുകയായിരുന്നു.
Most Read: സംസ്‌ഥാനത്ത്‌ അടുത്ത മാസം മുതൽ കൂടുതൽ പാസഞ്ചർ ട്രെയിൻ സർവീസുകൾ
