തിരുവനന്തപുരം: കേരളത്തില് ഉടന് തീയേറ്ററുകള് തുറക്കില്ലെന്ന് ഉടമകള്. ഇളവുകള് ലഭിക്കാതെ പ്രദര്ശനം തുടങ്ങാനാകില്ലെന്നാണ് തീയേറ്റര് ഉടമകളുടെ സംഘടനയായ ഫിയോക് അറിയിച്ചത്. മുഖ്യമന്ത്രിയുമായി സിനിമാ സംഘടനകള് തിങ്കളാഴ്ച വീണ്ടും ചര്ച്ച നടത്തുമെന്നും അനുകൂല തീരുമാനം ഇല്ലെങ്കില് പതിമൂന്നിന് മാസ്റ്റേഴ്സ് പ്രദര്ശിപ്പിക്കേണ്ടെന്നും ഫിയോക് പ്രസിഡണ്ട് ആന്റണി പെരുമ്പാവൂര് പറഞ്ഞു.
തീയേറ്ററുകള് തുറക്കുന്നതുമായി ബന്ധപ്പെട്ട് ഫിലിം ചേംബര് കഴിഞ്ഞ ദിവസം നിലപാട് വ്യക്തമാക്കിയിരുന്നു. അന്പത് ശതമാനം ആളുകളെ പ്രവേശിപ്പിച്ച് തീയേറ്ററുകള് തുറക്കാനാവില്ലെന്നാണ് ഫിലിം ചേംബര് അറിയിച്ചത്. വിനോദ നികുതി ഒഴിവാക്കാതെയും പ്രദര്ശന സമയം മാറ്റാതെയും തീയേറ്ററുകള് തുറക്കാനാകില്ലെന്നും ഫിലിം ചേംബര് പ്രതിനിധികള് അറിയിച്ചിരുന്നു.
Read also: ഫ്ളൈഓവർ ഉൽഘാടനം അതിശയകരം; സർക്കാരിന്റെ അവകാശവാദം തള്ളി മുൻ മുഖ്യമന്ത്രി