കോഴിക്കോട് : ജില്ലയിലെ തെരുവത്ത് കടവിൽ തയ്യൽ കടയിൽ മോഷണം നടത്തിയ ഒരാളെ കഴിഞ്ഞ ദിവസം പോലീസ് അറസ്‌റ്റ് ചെയ്‌തു. തെരുവത്ത് കടവ് പുതുവയൽക്കുനി ഫായിസി(30)നെയാണ് നാട്ടുകാരുടെ സഹായത്തോടെ അത്തോളി പോലീസ് അറസ്‌റ്റ് ചെയ്‌തത്‌. ഇയാളുടെ കൂടെ ഉണ്ടായിരുന്ന മറ്റൊരു പ്രതി രക്ഷപെട്ടു.
കഴിഞ്ഞ ശനിയാഴ്‌ചയാണ്‌ പ്രദേശത്തെ തയ്യൽക്കടയിൽ ഇവർ മോഷണം നടത്തിയത്. 2 തയ്യൽ മെഷീനും ഇൻവെർട്ടറും മോഷ്‌ടിക്കുകയും, വിവാഹ പാർട്ടി തയ്യലിനായി നൽകിയ തുണിത്തരങ്ങളും മറ്റും കടയുടെ പിന്നിൽ കൂട്ടിയിട്ട് കത്തിക്കുകയും ചെയ്‌തിരുന്നു. തുടർന്ന് രാമൻപുഴയിൽ ചിറക്കൽ താഴെ ഭാഗത്ത് നിന്നും ഒരു തയ്യൽ മെഷീൻ പോലീസ് കണ്ടെടുത്തു. പുഴയുടെ തീരത്തു നിന്നും മോഷണം പോയ കത്രികയും, തുണികളും ലഭിച്ചതിനെ തുടർന്ന് നടത്തിയ തിരച്ചിലിനൊടുവിലാണ് പുഴയിൽ നിന്നും തയ്യൽ മെഷീൻ കണ്ടെത്തിയത്.
Read also : ജില്ലയിൽ ആദ്യഘട്ട വാക്‌സിനേഷൻ പൂർത്തിയായി; സ്വീകരിച്ചത് 23,258 പേർ
