പാലക്കാട് : ജില്ലയിൽ ആദ്യഘട്ട കോവിഡ് വാക്സിനേഷൻ പൂർത്തിയായി. ആദ്യഘട്ട വാക്സിനേഷന്റെ ഭാഗമായി ജില്ലയിൽ നിന്നും 23,258 ആരോഗ്യ പ്രവർത്തകരാണു വാക്സിൻ സ്വീകരിച്ചത്. കൂടാതെ ഇവർക്കുള്ള രണ്ടാം ഡോസ് വാക്സിനേഷൻ ഈ മാസം പകുതിയോടെ ആരംഭിക്കുമെന്ന് അധികൃതർ വ്യക്തമാക്കി. അതേസമയം തന്നെ ജില്ലയിലെ കോവിഡ് മുന്നണി പോരാളികൾക്കുള്ള രണ്ടാംഘട്ട വാക്സിനേഷൻ നാളെ മുതൽ ആരംഭിക്കും.
കോവിഡ് മുന്നണി പോരാളികൾക്കുള്ള വാക്സിനേഷനിൽ ഏകദേശം 20,000 ആളുകൾക്കാണ് ജില്ലയിൽ നിന്നും വാക്സിൻ കുത്തിവെപ്പ് നടത്തേണ്ടി വരിക. 3 ദിവസത്തിനുള്ളിൽ ഇവരുടെ വാക്സിനേഷൻ നടപടികൾ പൂർത്തിയാക്കാനാണ് നിർദേശം നൽകിയിരിക്കുന്നത്. ആദ്യഘട്ട വാക്സിനേഷൻ പൂർത്തിയായ സാഹചര്യത്തിൽ ജില്ലയിൽ നിന്നും വാക്സിൻ സ്വീകരിച്ച ആർക്കും ഇതുവരെ ആരോഗ്യ പ്രശ്നങ്ങൾ സ്ഥിരീകരിച്ചിട്ടില്ല. കൂടാതെ വാക്സിനേഷൻ നടപടികളിൽ സംസ്ഥാനത്ത് തന്നെ മുൻനിരയിലാണ് പാലക്കാട് ജില്ല.
Read also : ശമ്പള പരിഷ്കരണ ഉത്തരവ് ഇന്നിറങ്ങും; പുതുക്കിയ ശമ്പളം ഏപ്രിൽ മുതൽ