ന്യൂഡെൽഹി: ഇന്ത്യ-പാകിസ്ഥാന് മൽസരത്തെ യുദ്ധമായി കാണരുതെന്ന് മുന് ഇന്ത്യന് താരം മുഹമ്മദ് കൈഫ്. ടി-20 ലോകകപ്പില് ഇരുടീമുകളും ഞായറാഴ്ച ഏറ്റുമുട്ടാനിരിക്കെയാണ് കൈഫിന്റെ പ്രതികരണം. രാഷ്ട്രീയവും വെറുപ്പും മാറ്റിവെച്ച് കളി ആസ്വദിക്കണമെന്നും അദ്ദേഹം പറഞ്ഞു. ഒരു ചെറിയ ഉപദേശം തരാം. വെറുപ്പും രാഷ്ട്രീയവും അരാജകത്വവും മാറ്റിവെച്ച് ക്രിക്കറ്റ് കാണുന്നത് ഒരു മഹത്തരമായ കാര്യമായിരിക്കും; കൈഫ് പറഞ്ഞു.
സ്വന്തം വിജയമാണ് ആഘോഷിക്കേണ്ടതെന്നും എതിരാളികളുടെ പരാജയമല്ലെന്നും കൈഫ് കൂട്ടിച്ചേര്ത്തു. നേരത്തെ ഇന്ത്യ-പാകിസ്ഥാന് മൽസരത്തിനെതിരെ യോഗ പരിശീലകന് രാംദേവും, കേന്ദ്രമന്ത്രി ഗിരിരാജ് സിംഗും രംഗത്തെത്തിയിരുന്നു. ഇന്ത്യ-പാകിസ്ഥാന് മൽസരം ദേശീയ താല്പര്യത്തിന് എതിരാണെന്നാണ് രാംദേവ് പറഞ്ഞത്. ക്രിക്കറ്റും തീവ്രവാദവും ഒരേസമയം കളിക്കാവുന്ന ഒന്നല്ലെന്നും രാംദേവ് വ്യക്തമാക്കി.
Read Also: കെഎസ്ആർടിസി ശമ്പള പ്രതിസന്ധി; മുഖ്യമന്ത്രി ഇടപെടുന്നു