കൊച്ചി: ഉപതിരഞ്ഞെടുപ്പുകളിലെ മേധാവിത്വം തൃക്കാക്കരയിലും എൽഡിഎഫ് ആവർത്തിക്കുമെന്ന് എം സ്വരാജ്. സിൽവർലൈൻ അടക്കം സർക്കാരിന്റെ വികസന പദ്ധതികൾക്ക് തന്നെയാണ് തൃക്കാക്കരയിലെ ജനങ്ങൾ വോട്ട് ചെയ്യുകയെന്നും ഉപതിരഞ്ഞെടുപ്പ് പ്രചാരണ ചുമതലയുള്ള സിപിഎം സംസ്‌ഥാന സെക്രട്ടറിയേറ്റ് അംഗം എം സ്വരാജ് പറഞ്ഞു.
അതേസമയം, ഉറപ്പാണ് 100, ഉറപ്പാണ് തൃക്കാക്കര എന്ന ഹാഷ്‌ടാഗുമായി പ്രചാരണങ്ങളിൽ നിറയുന്ന ഇടതുമുന്നണി ഇത്തവണ സീറ്റ് നേടുമെന്ന ഉറച്ച പ്രതീക്ഷയിലാണ്. ഉപതിരഞ്ഞെടുപ്പുകളിലെ മേൽകൈ തൃക്കാക്കരയിലും ഉറപ്പിക്കാനാണ് തയ്യാറെടുപ്പുകൾ. സ്‌ഥാനാർഥി പ്രഖ്യാപനം ഔദ്യോഗികമായി പ്രഖ്യാപിച്ചില്ലെങ്കിലും താഴേത്തട്ട് മുതൽ പ്രചാരണവും പ്രവർത്തനങ്ങളും സജീവമാക്കി കഴിഞ്ഞു.
- കെഎസ്‌ അരുൺകുമാർ തൃക്കാക്കരയിൽ എൽഡിഎഫ് സ്‌ഥാനാർഥിയാകുമെന്നായിരുന്നു അഭ്യൂഹങ്ങൾ. എന്നാൽ ഇതുവരെ സ്‌ഥാനാർഥിയെ പ്രഖ്യാപിച്ചിട്ടില്ലെന്ന് വ്യക്‌തമാക്കി ഇപി ജയരാജൻ രംഗത്തെത്തി. ഇതിനിടെ അരുൺകുമാറിനായി തൃക്കാക്കരയിൽ ചുവരെഴുത്ത് തുടങ്ങിയിരുന്നു. സ്‌ഥാനാർഥിയെ പ്രഖ്യാപിച്ചിട്ടില്ലെന്ന് നേതൃത്വം അറിയിച്ചതോടെ ചുവരെഴുത്ത് നിർത്തിവെച്ചു.
Most Read: സ്വർണക്കടത്ത്; അർജുൻ ആയങ്കിയ്‌ക്ക് എതിരെ കാപ്പ ചുമത്തിയേക്കും
