റായ്‌പൂര്‍: ടൂള്‍ കിറ്റ് കേസില്‍ ബിജെപി ദേശീയ വക്‌താവ് സംബിത് പത്രയോട് ഹാജരാകാന്‍ ആവശ്യപ്പെട്ട് ഛത്തീസ്ഗഡ് പോലീസ്. ഇന്ന് വൈകിട്ട് നാലിന് ഹാജരാകാനാണ് പത്രയോട് ആവശ്യപ്പെട്ടിരിക്കുന്നത്. കോണ്‍ഗ്രസിനെതിരെ വ്യാജരേഖ ചമച്ചെന്ന കേസിലാണ് സംബിത് പത്രയ്‌ക്കെതിരെ നടപടി.
നേരിട്ടോ ഓണ്‍ലൈനായോ ഹാരജരാകാം. അതേസമയം ഹാജരായില്ലെങ്കില്‍ നിയമ നടപടികളിലേക്ക് കടക്കുമെന്നും സമൻസിൽ മുന്നറിയിപ്പുണ്ട്.
കോണ്‍ഗ്രസിന്റെ വിദ്യാര്‍ഥി വിഭാഗമായ എന്‍എസ്‍യുവാണ് പത്രക്കും മുന്‍ ഛത്തീസ്ഗഡ് മുഖ്യമന്ത്രി രമണ്‍ സിങ്ങിനുമെതിരെ പരാതി നല്‍കിയത്. എഐസിസി ഗവേഷക വിഭാഗത്തിന്റെ ലെറ്റര്‍ഹെഡ് വ്യാജമായി ചമക്കുകയും വ്യാജമായ ഉള്ളടക്കം അച്ചടിക്കുകയും ചെയ്‌തുവെന്നായിരുന്നു എന്‍എസ്‍യുവിന്റെ പരാതി.
Read Also: കൊടകര കുഴൽപ്പണക്കേസ്; മൂന്നരക്കോടിയുടെ ഉറവിടം കർണാടകയിൽ നിന്നെന്ന് പോലീസ് കണ്ടെത്തൽ
