ഹരിദ്വാർ: കുംഭമേളയിൽ പങ്കെടുത്ത മുഖ്യ പുരോഹിതൻമാരിൽ ഒരാൾ കോവിഡ് ബാധിച്ച് മരിച്ചതായി റിപ്പോർട്. 80ൽ അധികം മത നേതാക്കൾക്കും കോവിഡ് സ്ഥിരീകരിച്ചിട്ടുണ്ട്. ഈ ആഴ്ചയുടെ തുടക്കത്തിലാണ് സന്യാസി കൗൺസിലുകളുടെ തലവനായ മഹാമണ്ഡലേശ്വർ കപിൽ ദേവ് ദാസിനെ (65) ആശുപത്രിയിൽ പ്രവേശിപ്പിച്ചത്. വ്യാഴാഴ്ചയാണ് ഇദ്ദേഹം കോവിഡ് ബാധിച്ച് മരിച്ചത്.
12 വർഷത്തിൽ ഒരിക്കൽ നടക്കുന്ന കുംഭമേളയിൽ 25 ദശലക്ഷത്തോളം ആളുകൾ പങ്കെടുക്കാറുണ്ട്. ഈ ആഴ്ചയിലെ രണ്ട് ദിവസങ്ങളിലായി 4.6 ദശലക്ഷം ആളുകളാണ് മേളയിൽ പങ്കെടുത്തത്.
അതേസമയം, രാജ്യത്ത് കോവിഡ് വ്യാപനത്തിന്റെ രണ്ടാം തരംഗം അതിരൂക്ഷമാകുകയാണ്. കഴിഞ്ഞ 24 മണിക്കൂറിനിടെ 12,17,353 പേർക്കാണ് പുതുതായി കോവിഡ് സ്ഥിരീകരിച്ചത്. 1,185 കോവിഡ് മരണങ്ങളും റിപ്പോർട് ചെയ്തിട്ടുണ്ട്. 1,42,91,917 പേർക്കാണ് ഇതുവരെ രാജ്യത്ത് കോവിഡ് സ്ഥിരീകരിച്ചത്. 1,25,47,866 പേർ രോഗമുക്തി നേടുകയും ചെയ്തു. 15,69,743 പേരാണ് നിലവിൽ ചികിൽസയിലുള്ളത്. 1,74,308 പേർ ഇതുവരെ കോവിഡ് ബാധിച്ച് മരണമടയുകയും ചെയ്തു.
Read also: കോവിഡ്; തിരുവനന്തപുരം മെഡിക്കൽ കോളേജിൽ സന്ദർശകർക്ക് വിലക്ക്