തിരുവനന്തപുരം : സംസ്‌ഥാനത്ത് രണ്ടാംഘട്ട കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ തിരുവനന്തപുരം മെഡിക്കൽ കോളേജിൽ സന്ദർശകർക്ക് വിലക്ക് ഏർപ്പെടുത്തി. തിങ്കളാഴ്‌ച മുതലാണ് സന്ദർശകർക്ക് നിയന്ത്രണം ഉണ്ടായിരിക്കുക. ഇതിലൂടെ ആശുപത്രിയിൽ തിരക്ക് ഒഴിവാക്കി രോഗവ്യാപനം കുറക്കാനാണ് അധികൃതർ ലക്ഷ്യം വെക്കുന്നത്.
സന്ദർശകർക്ക് നിയന്ത്രണം കൊണ്ടുവരുന്ന സാഹചര്യത്തിൽ രോഗിയോടൊപ്പം കൂട്ടിരിപ്പുകാരെ മാത്രമേ മെഡിക്കൽ കോളേജിൽ അനുവദിക്കുകയുള്ളൂ. കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ രോഗം വ്യാപിക്കുന്നത് തടയാനായി സ്വീകരിച്ച നടപടിയിൽ സഹകരിക്കണമെന്ന് ആശുപത്രി അധികൃതർ വ്യക്‌തമാക്കി.
സംസ്‌ഥാനത്ത് നിലവിൽ കോവിഡ് അതിരൂക്ഷമായി വ്യാപിക്കുകയാണ്. ഇന്ന് മാത്രം സംസ്‌ഥാനത്ത് 10,031 ആളുകൾക്കാണ് രോഗം സ്‌ഥിരീകരിച്ചത്. കോഴിക്കോട് 1560, എറണാകുളം 1391, മലപ്പുറം 882, കോട്ടയം 780, തിരുവനന്തപുരം 750, ആലപ്പുഴ 745, തൃശൂര്‍ 737, കണ്ണൂര്‍ 673, കാസര്‍ഗോഡ് 643, പാലക്കാട് 514, കൊല്ലം 454, വയനാട് 348, ഇടുക്കി 293, പത്തനംതിട്ട 261 എന്നിങ്ങനയാണ് ഇന്ന് ഓരോ ജില്ലകളിലും സ്‌ഥിരീകരിച്ച കോവിഡ് കണക്കുകൾ.
Read also : മൻസൂർ കൊലപാതകക്കേസ്; മുഖ്യപ്രതി സുഹൈൽ കോടതിയിൽ കീഴടങ്ങി
