വയനാട്: ജില്ലയിൽ കോവിഡ് രോഗികളുടെ എണ്ണം ക്രമാതീതമായി വർധിക്കുന്ന സാഹചര്യത്തിൽ നാല് ഗ്രാമപഞ്ചയത്തുകളിൽ കൂടി ആരോഗ്യ വകുപ്പ് ട്രിപ്പിൾ ലോക്ക്ഡൗൺ ഏർപ്പെടുത്തി. ടിപിആർ നിരക്ക് 15 ശതമാനത്തിന് മുകളിലുള്ള മുള്ളൻകൊല്ലി, വെള്ളമുണ്ട, കണിയാമ്പറ്റ, മീനങ്ങാടി എന്നീ പഞ്ചായത്തുകളിലാണ് ട്രിപ്പിൾ ലോക്ക്ഡൗൺ ഏർപ്പെടുത്തിയത്. നിയന്ത്രണങ്ങൾ ഇന്നലെ രാത്രി 10 മണി മുതൽ നിലവിൽ വന്നതായി ജില്ലാ കളക്ടർ അദീല അബ്ദുല്ല അറിയിച്ചു.
നിലവിൽ ജില്ലയിലെ രണ്ട് തദ്ദേശ സ്ഥാപനങ്ങൾ എ കാറ്റഗറിയിലാണ് ഉള്ളത്. ഒമ്പത് എണ്ണം ബി കാറ്റഗറിയിലും 11 എണ്ണം സി കാറ്റഗറിയിലുമാണ് ഉൾപ്പെട്ടിരിക്കുന്നത്. അതേസമയം, ജില്ലയിൽ ഇന്നലെ 453 പേർക്കാണ് കോവിഡ് സ്ഥിരീകരിച്ചത്. ഇതോടെ ജില്ലയിൽ കോവിഡ് സ്ഥിരീകരിച്ചവരുടെ എണ്ണം 67,077 ആയി. രോഗ സ്ഥിരീകരണത്തിന്റെ അടിസ്ഥാനത്തിൽ ജില്ലയിൽ നിയന്ത്രണങ്ങൾ തുടരുമെന്ന് കളക്ടർ അറിയിച്ചു.
Read Also: ഗുരുവായൂർ ക്ഷേത്രത്തിൽ നിയന്ത്രണം; പുതിയ വിവാഹ ബുക്കിങ്ങുകൾ ഇല്ല