മുംബൈ: ടിആർപി തട്ടിപ്പുകേസിൽ അറസ്‌റ്റ് ചെയ്യപ്പെട്ട ബാർക്ക് മുൻ സിഇഒ പാർത്തോ ദാസ് ഗുപ്‌തക്ക് മഹാരാഷ്‌ട്ര ഹൈക്കോടതി ജാമ്യം അനുവദിച്ചു. അനുമതി കൂടാ രാജ്യം വിടരുതെന്ന വ്യവസ്‌ഥയോടെയാണ് ജാമ്യം അനുവദിച്ചിരിക്കുന്നത്. കേസിൽ ഡിസംബർ 24ന് അറസ്‌റ്റ് ചെയ്യപ്പെട്ട പാർത്തോ ദാസ് അന്ന് മുതൽ ജയിലിലാണ്. സെഷൻ കോടതി ജാമ്യം നിഷേധിച്ചതിനെ തുടർന്ന് ജനുവരിയിലാണ് പാർത്തോ ദാസ് ഗുപ്‌ത ഹൈക്കോടതിയെ സമീപിച്ചത്.
നേരത്തെ പാർഥോദാസ് ഗുപ്‌തയും ടിആർപി തട്ടിപ്പുകേസിലെ മറ്റൊരു പ്രതിയായ റിപ്പബ്ളിക് ടിവി എഡിറ്റർ ഇൻ ചീഫ് അർണബ് ഗോസ്വാമിയും തമ്മിൽ കൈമാറിയ വാട്‌സ്ആപ്പ് സന്ദേശങ്ങൾ സാമൂഹ്യ മാദ്ധ്യമങ്ങളിൽ പ്രചരിച്ചിരുന്നു. പാർത്തോ ദാസ് തന്റെ ഔദ്യോഗിക പദവി ഉപയോഗിച്ച് അന്യായമായി അർണബിന്റെ ചാനലിനെ സഹായിക്കുകയും അവരുടെ ടെലിവിഷൻ റേറ്റിംഗ് ഉയർത്തുകയും ചെയ്‌തു എന്നാണ് പ്രോസിക്യൂഷൻ കേസ്. ഇതിന് പ്രതിഫലമായി വൻ തുക കൈപ്പറ്റിയെന്നും മുംബൈ പോലീസ് കണ്ടെത്തിയിരുന്നു.
Read Also: ഹരിയാന പോലീസിൽ നിന്ന് ക്രൂര പീഡനങ്ങൾ ഏൽക്കേണ്ടി വന്നു; നോദീപ് കൗർ
