മുംബൈ: കഴിഞ്ഞ മൂന്ന് മാസമായി അന്വേഷണം നടത്തുന്ന ടിആര്പി തട്ടിപ്പ് കേസിൽ റിപ്പബ്ളിക് ടിവിക്കെതിരെ തെളിവുകള് എവിടെയെന്ന് മുംബൈ പോലീസിനോട് മഹാരാഷ്ട്ര ഹൈക്കോടതി. ചാനലിനെതിരായ എഫ്ഐആര് റദ്ദാക്കണമെന്ന റിപ്പബ്ളിക് ടിവി എഡിറ്റര് ഇന് ചീഫ് അര്ണബ് ഗോസ്വാമിയുടെ ഹരജിയെ പ്രോസിക്യൂഷന് എതിർത്തതിന്റെ തുടർന്നാണ് കോടതിയുടെ പരാമര്ശം.
അതേസമയം, കേസില് തെളിവുകള് ശേഖരിച്ചു വരികയാണെന്ന് മുംബൈ പോലീസിന് വേണ്ടി ഹാജരായ സ്പെഷ്യല് പ്രോസിക്യൂട്ടര് ശിശിര് ഹിരെ അറിയിച്ചു. എന്നാൽ എന്തുകൊണ്ട് പ്രതിപ്പട്ടികയില് ചേര്ക്കുന്നില്ല എന്നായിരുന്നു കോടതിയുടെ മറുചോദ്യം. തുടർന്ന് അന്വേഷണ വിവരങ്ങള് കൈമാറാന് കൂടുതല് സമയം പ്രോസിക്യൂഷന് ആവശ്യപ്പെട്ടു. ഇതനുവദിച്ച കോടതി അര്ണബ് ഗോസ്വാമിയുടെ ഹരജി പരിഗണിക്കുന്നത് അടുത്ത ദിവസത്തേക്ക് മാറ്റി.
Read also: കർണാടക മുൻ മന്ത്രിക്ക് എതിരായ ലൈംഗികാരോപണം; യുവതിയെ കാണാനില്ലെന്ന് പരാതി