പാലക്കാട് : 98 ലക്ഷം രൂപയുടെ കുഴൽപ്പണവുമായി രണ്ട് തമിഴ്നാട് സ്വദേശികൾ ജില്ലയിൽ പിടിയിലായി. മധുര സിമ്മക്കൽ അഗ്രഹാരം എസ് രാജേന്ദ്രൻ(55), മധുര ഗാന്ധിനഗർ ആളവന്താൻ ധർമരാജൻ ജഗന്നാഥൻ(60) എന്നിവരെയാണ് ഷൊർണൂർ റെയിൽവേ പോലീസ് അറസ്റ്റ് ചെയ്തത്. ഇരുവരും കണക്കിൽപ്പെടാത്ത പണവുമായി ചെന്നൈ-മംഗളുരു സ്പെഷ്യൽ ട്രെയിനിൽ യാത്ര ചെയ്യുമ്പോഴാണ് പിടിയിലായത്.
തിരുപ്പൂരിൽ നിന്നു കോഴിക്കോട്ടേക്കു പണം കൊണ്ടുപോവുകയായിരുന്നു ഇവർ. തുടർന്ന് രാവിലെ 6 മണിയോടെ ഷൊർണൂരിലെത്തിയ ട്രെയിനിൽ പരിശോധന നടത്തിയതിനിടയിലാണ് കുഴൽപ്പണവുമായി യാത്ര ചെയ്ത ഇവരെ റെയിൽവേ പോലീസ് പിടികൂടിയത്. റെയിൽവേ എസ്ഐ സക്കീർ അഹമ്മദ്, എസ്ഐ ജംഷീദ്, എഎസ്ഐമാരായ വിഎ ജോസഫ്, ജോസ് സോളമൻ, സിപിഒമാരായ സിറാജുദ്ദീൻ, ബിജു എന്നിവരടങ്ങിയ സംഘമാണ് ഇവരെ അറസ്റ്റ് ചെയ്തത്.
Read also : വനംവകുപ്പ് ഉദ്യോഗസ്ഥർക്ക് നേരെ വെടിവെപ്പ്; കൊട്ടിയൂരിൽ ഒരാൾ പിടിയിൽ