ട്രിനിഡാഡ്: അണ്ടര്‍-19 ക്രിക്കറ്റ് ലോകകപ്പ് ഫൈനൽ ഇന്ന്. അഞ്ചാം കിരീടം ലക്ഷ്യമിട്ട് യഷ് ധുള്ളിന്റെ നേതൃത്വത്തിൽ ഇറങ്ങുന്ന ഇന്ത്യന്‍ കൗമാരപ്പടയ്‌ക്ക് എതിരാളി മുന്‍ ചാമ്പ്യൻമാരായ ഇംഗ്ളണ്ടാണ്. വൈകീട്ട് 6.30ന് നോര്‍ത്ത് സൗണ്ടിലെ സര്‍ വിവിയന്‍ റിച്ചാര്‍ഡ്‌സ് സ്‌റ്റേഡിയത്തിലാണ് ഫൈനല്‍ നടക്കുക. ഇത് തുടര്‍ച്ചയായ നാലാം തവണയാണ് ഇന്ത്യ അണ്ടര്‍-19 ലോകകപ്പിന്റെ ഫൈനല്‍ കളിക്കുന്നത്.
കഴിഞ്ഞ തവണ ഫൈനലില്‍ ബംഗ്ളാദേശിനോട് ഇന്ത്യ തോറ്റിരുന്നു. എന്നാൽ ഇത്തവണ മൂന്ന് വട്ടം ജേതാക്കളായ ഓസ്‌ട്രേലിയയെ സെമിയില്‍ 96 റണ്‍സിന് തകര്‍ത്തതിന്റെ ആവേശത്തിലാണ് ഇന്ത്യൻ ടീം. സെമിയിൽ ഉപനായകന്‍ ഷെയ്ഖ് റഷീദുമൊത്തുള്ള യഷ് ധുള്ളിന്റെ വീരോചിത ഇന്നിങ്‌സായിരുന്നു ഇന്ത്യന്‍ ബാറ്റിംഗിലെ ഹൈലൈറ്റ്‌സ്.
ബൗളിംഗില്‍ രവികുമാറും, നിഷാന്ത് സിന്ധുവും, ഹംഗാര്‍ഗെക്കറും, വിക്കി ഓസ്വാളും മികച്ച പ്രകടനമാണ് പുറത്തെടുക്കുന്നത്. കൗമാര ലോകകപ്പില്‍ ഇന്ത്യയ്‌ക്ക് വേണ്ടി ഏറ്റവും ഒടുവില്‍ കപ്പുയര്‍ത്തിയത് 2018ല്‍ പൃഥ്വി ഷായുടെ സംഘമാണ്. കഴിഞ്ഞ തവണ നഷ്‌ടപ്പെട്ട കിരീടം തിരിച്ചു പിടിക്കാനാണ് ടീമിന്റെ ശ്രമം. അങ്ങനെയെങ്കിൽ അണ്ടർ-19 ക്രിക്കറ്റിൽ ഇന്ത്യയുടെ അപ്രമാദിത്വം ഒന്നുകൂടി ഊട്ടിയുറപ്പിക്കാൻ കഴിയും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
