ഭോപ്പാൽ: അമ്മക്ക് ഓക്‌സിജൻ വേണമെന്ന ആവശ്യവുമായി എത്തിയ മകനോട് മുഖത്ത് അടികിട്ടുമെന്ന് കേന്ദ്ര മന്ത്രിയുടെ ഭീഷണി. കേന്ദ്ര ടൂറിസം മന്ത്രിയും ദാമോഹ് എംപിയുമായ പ്രഹ്‌ളാദ് സിങ് പാട്ടേൽ ആണ് യുവാവിനെ ഭീഷണിപ്പെടുത്തിയത്. സംഭവത്തിന്റെ വീഡിയോ ദൃശ്യങ്ങൾ ഇതിനോടകം സമൂഹ മാദ്ധ്യമങ്ങളിൽ പ്രചരിച്ചു കഴിഞ്ഞു.
യുവാവിന്റെ അമ്മയെ പ്രവേശിപ്പിച്ച സർക്കാർ ആശുപത്രിയിലെ ഓക്‌സിജൻ പ്രതിസന്ധി ചൂണ്ടിക്കാട്ടിയപ്പോൾ ആയിരുന്നു മന്ത്രിയുടെ പ്രതികരണം. യുവാവ് വികാരഭരിതനായി സംസാരിക്കുന്നത് കണ്ടാണ് മന്ത്രി പ്രകോപിതനായത്. ഇങ്ങനെ സംസാരിച്ചാൽ രണ്ടടി കിട്ടുമെന്നാണ് മന്ത്രി പറഞ്ഞത്. എന്നാൽ, തല്ല് കൊള്ളാൻ തയാറാണ്, അമ്മക്ക് ഓക്‌സിജൻ എത്തിക്കണമെന്ന് മകൻ പ്രതികരിച്ചു.
പ്രതിസന്ധി ഉണ്ടാകുമ്പോൾ സ്‌ഥലം എംപി കൂടിയായ കേന്ദ്ര മന്ത്രിയെ മണ്ഡലത്തിൽ കാണാനില്ലെന്ന് നേരത്തെ വിമർശനം ഉയർന്നിരുന്നു. ഇതിന് പിന്നേലെ ആശുപത്രി സന്ദർശിക്കാൻ മന്ത്രി എത്തിയപ്പോഴാണ് സംഭവം.
Also Read: ഉത്തരവാദികൾ നിങ്ങൾ; കേന്ദ്രത്തിന് എതിരെ രൂക്ഷ വിമർശനവുമായി രാഹുൽ ഗാന്ധി
