ന്യൂഡെല്ഹി: പശ്ചിമ ബംഗാളിലെ അടുത്ത സര്ക്കാറിനെ ബിജെപി നയിക്കുമെന്ന് കേന്ദ്രമന്ത്രിയും റിപ്പബ്ളിക്കന് പാര്ട്ടി അധ്യക്ഷനുമായ രാംദാസ് അത്തേവാലെ. ബംഗാളില് ഗുണ്ടാ രാജാണ് നടക്കുന്നതന്നും ബിജെപി ദേശീയ അധ്യക്ഷന് ജെപി നഡ്ഡയെ ആക്രമിച്ചതിലൂടെ ഇക്കാര്യം വ്യക്തമായെന്നും അത്തേവാല കൂട്ടിചേര്ത്തു.
കേന്ദ്ര ആഭ്യന്തര മന്ത്രി അമിത് ഷായുടെ ബംഗാള് സന്ദര്ശനം വളരെ പ്രധാനമാണ്. ഇതേതുടര്ന്ന് നിരവധി തൃണമൂല് നേതാക്കള് ബിജെപിയില് ചേര്ന്നു. മമത ബാനര്ജിയുടെ നേതൃത്വം മാറണമെന്നാണ് ബംഗാള് ജനത ആഗ്രഹിക്കുന്നതെന്നും അത്തേവാലെ പറഞ്ഞു. കൂടാതെ റിപ്പബ്ളിക്കന് പാര്ട്ടിയും ബംഗാളില് നാലുമുതല് അഞ്ചുവരെ സീറ്റുകള് നേടുമെന്നും അദ്ദേഹം കൂട്ടിച്ചേര്ത്തു.
Read also: കർഷക പ്രക്ഷോഭം; ബിജെപി പ്രചാരണത്തെ നേരിടാൻ സിപിഎം രംഗത്തിറങ്ങും