ഊർമിള ഇനി ശിവസേനയിൽ; അംഗത്വം സ്വീകരിച്ചു

By Desk Reporter, Malabar News
Urmila-Matondkar_-2020-Dec-01
Ajwa Travels

മുംബൈ: കോൺഗ്രസിൽ നിന്ന് രാജിവച്ച നടിയും രാഷ്‌ട്രീയ പ്രവർത്തകയുമായ ഊർമിള മദോണ്ഡ്കര്‍ ശിവസേന അംഗത്വം സ്വീകരിച്ചു. മഹാരാഷ്‌ട്ര മുഖ്യമന്ത്രിയും ശിവസേനാ നേതാവുമായ ഉദ്ധവ് താക്കറെയുടെ സാന്നിധ്യത്തിൽ സബർബൻ ബാന്ദ്രയിലെ മതോശ്രീ വസതിയിൽ നടന്ന ചടങ്ങിലാണ് ഊർമിള പാർട്ടി അംഗത്വം സ്വീകരിച്ചത്.

ഇതോടെ ഏറെ നാളത്തെ അഭ്യൂഹങ്ങൾക്ക് വിരാമമാകുകയാണ്. ഊർമിള ഇന്ന് ശിവസേന അംഗത്വം സ്വീകരിക്കുമെന്ന് ഇന്നലെ ശിവസേന നേതാവ് സഞ്‌ജയ്‌ റാവത്ത് പറഞ്ഞിരുന്നു. 2019 സെപ്റ്റംബറിലാണ് ഊർമിള കോൺഗ്രസിൽ നിന്ന് രാജിവച്ചത്. കഴിഞ്ഞ വർഷം മുംബൈയിലെ നോർത്ത് മണ്ഡലത്തിൽ നിന്ന് കോൺഗ്രസ് സ്‌ഥാനാർഥിയായി മൽസരിച്ച ഊർമിള പരാജയപ്പെടുകയായിരുന്നു. കോൺഗ്രസ് നേതാക്കൾ തന്നെയാണ് തന്റെ പരാജയത്തിന് കാരണം എന്നായിരുന്നു ഊർമിളയുടെ പ്രതികരണം. ഇതിന് പിന്നാലെ പാർട്ടിയിൽ നിന്ന് രാജിവെക്കുകയും ചെയ്‌തു.

കഴിഞ്ഞ ഒക്‌ടോബറിൽ ഊര്‍മിളയെ നിയമസഭാ കൗണ്‍സിലേക്ക് ശിവസേന നാമനിര്‍ദേശം ചെയ്യുമെന്ന് റിപ്പോര്‍ട്ടുകളുണ്ടായിരുന്നു. സംസ്‌ഥാന നിയമസഭയുടെ അപ്പര്‍ ഹൗസിലേക്ക് നാമനിര്‍ദേശം ചെയ്യുന്ന 12 പേരുടെ പട്ടികയില്‍ ഊര്‍മിള മദോണ്ഡ്കറിന്റെ പേരും പരിഗണനയിലുണ്ട് എന്നായിരുന്നു വാര്‍ത്താ ഏജന്‍സികള്‍ റിപ്പോര്‍ട്ട് ചെയ്‌തത്‌.

Also Read:  ഹൈദരാബാദ് തിരഞ്ഞെടുപ്പ്; മോദിയെയും അമിത്ഷായെയും പരിഹസിച്ച് പ്രശാന്ത് ഭൂഷണ്‍

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE