ന്യൂഡെൽഹി: കോവിഡ് പ്രതിരോധ വാക്‌സിന്റെ വിലയിൽ കേന്ദ്രസർക്കാർ മാറ്റം വരുത്താൻ ഒരുങ്ങുന്നുവെന്ന് റിപ്പോർട്. ഇതിന്റെ ഭാഗമായി വാക്‌സിൻ നിർമാതാക്കളുമായി കേന്ദ്രം ചർച്ച തുടങ്ങി. കോവിഷീൽഡ്‌ നിർമാതാക്കളായ സെറം ഇൻസ്‌റ്റിറ്റ്യൂട്ടുമായും കോവാക്‌സിൻ നിർമാതാക്കളായ ഭാരത് ബയോടെക്കുമായുമാണ് ചർച്ച. വാക്‌സിൻ നയത്തിൽ മാറ്റം വരുത്തിയതിന് പിന്നാലെയാണ് നടപടി.
കഴിഞ്ഞ ദിവസം സ്വകാര്യ ആശുപത്രികളിലെ വാക്‌സിൻ നിരക്ക് കേന്ദ്രം പുതുക്കി നിശ്‌ചയിച്ചിരുന്നു. കോവിഷീൽഡ്‌- 780, കോവാക്‌സിൻ- 1,410, സ്‌പുട്നിക്- 1,145 എന്നിങ്ങനെയാണ് പുതുക്കിയ നിരക്ക്. കൂടാതെ വാക്‌സിന് അഞ്ച് ശതമാനം ജിഎസ്‌ടിയും ചുമത്തും. വാക്‌സിൻ നൽകുന്നതിന് സ്വകാര്യ ആശുപത്രികൾക്ക് 150 രൂപ വരെ ഈടാക്കാമെന്നും കേന്ദ്രം അറിയിച്ചിരുന്നു.
Also Read: മുട്ടില്‍ മരംമുറിയിൽ കേന്ദ്ര ഇടപെടൽ; പ്രകാശ് ജാവദേക്കര്‍ ഉദ്യോഗസ്‌ഥരോട് റിപ്പോര്‍ട് തേടി
