തിരുവനന്തപുരം: പതിനെട്ട് വയസിന് മുകളിലുള്ളവരുടെ വാക്സിൻ രജിസ്ട്രേഷൻ ഇന്ന് മുതൽ ആരംഭിക്കും. വൈകിട്ട് 4 മണി മുതൽ രജിസ്റ്റർ ചെയ്യാം. ഇവർക്കുള്ള മാർഗരേഖയും ആരോഗ്യവകുപ്പ് ഇന്ന് പുറത്തിറക്കും. രോഗമുള്ളവർക്ക് മുൻഗണന നൽകുമെന്നാണ് വിവരം.
അതേസമയം, സംസ്ഥാനത്ത് രണ്ട് ലക്ഷത്തി ഇരുപതിനായിരം ഡോസ് വാക്സിൻ കൂടി എത്തി. കോവിഷീൽഡ് വാക്സിനാണ് എത്തിച്ചിരിക്കുന്നത്. ഇതോടെ 2,79,275 ഡോസ് വാക്സിൻ സ്റ്റോക്കുണ്ട്. കൂടുതൽ വാക്സിനെത്തിയ സാഹചര്യത്തിൽ കൂടുതൽ കേന്ദ്രങ്ങളിൽ കുത്തിവെപ്പ് നടക്കും. വാക്സിൻ കമ്പനികളിൽ നിന്ന് നേരിട്ട് വാങ്ങാനുള്ള ചർച്ചകളും പുരോഗമിക്കുകയാണ്.
Also Read: ആരോഗ്യ പ്രവർത്തകർ കുറവ്, കൂടുതൽ പേർ കോവിഡ് ബ്രിഗേഡിന്റെ ഭാഗമാകണം; മുഖ്യമന്ത്രി