തിരുവനന്തപുരം: സംസ്ഥാനത്തെ കോവിഡ് വാക്സിന് ക്ഷാമം പരിഹരിക്കാന് അടിയന്തര നടപടി വേണമെന്ന് കോണ്ഗ്രസ് നേതാവ് രമേശ് ചെന്നിത്തല. കേരളത്തില് കോവിഡ് മൂന്നാം തരംഗമുണ്ടാകുമെന്ന ആരോഗ്യ വിദഗ്ധരുടെ മുന്നറിയിപ്പ് കണക്കിലെടുത്ത് പരമാവധി പേര്ക്ക് വാക്സിൻ ലഭ്യമാക്കാന് സര്ക്കാര് നടപടി എടുക്കണമെന്ന് ചെന്നിത്തല പറഞ്ഞു.
18 വയസ് കഴിഞ്ഞവര്ക്കും കേന്ദ്രം സൗജന്യ വാക്സിൻ നല്കുന്നുണ്ട് എങ്കിലും കേരളത്തില് പല ജില്ലകളിലും വാക്സിന് ലഭ്യമല്ല. എല്ലാം കാര്യക്ഷമമായി നടക്കുന്നു എന്നാണ് മുഖ്യമന്ത്രിയും ആരോഗ്യ മന്ത്രിയും വാര്ത്താ സമ്മേളനത്തില് പറയുന്നത്. എന്നാല് താഴെത്തട്ടില് വാക്സിൻ ക്ഷാമം രൂക്ഷമാണ് എന്നത് യാഥാര്ഥ്യമാണ്. ഇക്കാര്യങ്ങളിൽ അടിയന്തര നടപടി സ്വീകരിക്കണമെന്ന് രമേശ് ചെന്നിത്തല സര്ക്കാരിനോട് ആവശ്യപ്പെട്ടു.
Read also: എസ്ഐ ആനി ശിവയെ പ്രശംസിച്ച് പോസ്റ്റ്; ഉണ്ണി മുകുന്ദന്റെ ‘വലിയ പൊട്ട്’ പരാമർശത്തിൽ വിമർശനം ശക്തം