ന്യൂഡെൽഹി: വാക്‌സിൻ നയത്തിൽ ഏകീകൃത സംവിധാനം വേണമെന്ന് ആവശ്യപ്പെട്ട് പശ്‌ചിമ ബംഗാൾ. വിഷയത്തിൽ ബംഗാൾ മുഖ്യമന്ത്രി മമതാ ബാനർജി സുപ്രീം കോടതിയെ സമീപിച്ചു.
നിലവിൽ വാക്‌സിനുകൾക്ക് പ്രഖ്യാപിച്ചിരിക്കുന്ന വ്യത്യസ്‌ത വിലകൾ ഇല്ലാതാക്കണമെന്ന് മമത ഹരജിയിൽ ആവശ്യപ്പെട്ടു. വാക്‌സിനുകൾ സംസ്‌ഥാനങ്ങൾക്ക് സൗജന്യമായി നൽകാൻ കേന്ദ്ര സർക്കാർ അതിവേഗ നടപടികൾ സ്വീകരിക്കണമെന്നും മമത ഹരജിയിൽ പറയുന്നുണ്ട്. ബംഗാളിന്റെ മുഖ്യമന്ത്രിയായി മൂന്നാം തവണ ചുമതലയേറ്റ ശേഷം മമത നടത്തുന്ന ആദ്യ നിയമ പോരാട്ടമാണിത്.
തിങ്കളാഴ്‌ച വാക്‌സിൻ നയം സംബന്ധിച്ച ഹരജി സുപ്രീം കോടതി പരിഗണിക്കും. വാക്‌സിന്റെ വില സംബന്ധിച്ച് കേന്ദ്ര സർക്കാർ പുനർവിചിന്തനം നടത്തണമെന്ന് കോടതി കഴിഞ്ഞ ദിവസം ആവശ്യപ്പെട്ടിരുന്നു.
Read also: കൈത്താങ്ങായി കുവൈറ്റും; ഓക്‌സിജനുമായി യുദ്ധക്കപ്പലുകൾ ഇന്ത്യയിലേക്ക് പുറപ്പെട്ടു
