കൊച്ചി: കോൺഗ്രസിനെയും യുഡിഎഫിനെയും തിരിച്ചു കൊണ്ടുവരുമെന്ന് നിയുക്ത പ്രതിപക്ഷ നേതാവ് വിഡി സതീശൻ. ഇനി കഠിനാധ്വാനത്തിന്റെ നാളുകളാണ്. കാലത്തിന് അനുസരിച്ച് രീതികൾ മാറ്റും. പ്രതിപക്ഷത്തിന്റെ പരമ്പരാഗത രീതികളിൽ മാറ്റം വരും. ഇത്തരം മാറ്റങ്ങൾ സഹപ്രവർത്തകരുമായി ചർച്ച ചെയ്ത് തീരുമാനിക്കും, അദ്ദേഹം പറഞ്ഞു.
പൊതുജനങ്ങളുടെ വിശ്വാസം ആർജിക്കുകയാണ് ആദ്യ പദ്ധതി. പ്രവർത്തകർക്ക് ആത്മവിശ്വാസം പകരുക എന്നതാണ് ആദ്യ ദൗത്യം. വർഗീയ ശക്തികളെ ഇല്ലാതാക്കും. ഭൂരിപക്ഷ വർഗീയതയെയും ന്യൂനപക്ഷ വർഗീയതയെയും എതിർക്കും. സർക്കാരിനെ വെല്ലുവിളിക്കാനില്ല. കോവിഡ് മഹാമാരിയുടെ കാലത്ത് സർക്കാരിനൊപ്പം ഉണ്ടാകുമെന്നും വിഡി സതീശൻ പറഞ്ഞു. നല്ലതിനെ പിന്തുണക്കും. തെറ്റുകളെ നിയമസഭയിൽ ചൂണ്ടികാണിക്കും, വിഡി സതീശൻ കൂട്ടിച്ചേർത്തു.
Read also: ലീഗ് കോൺഗ്രസിന്റെ തീരുമാനങ്ങൾക്കൊപ്പം; എല്ലാ പിന്തുണയും നൽകുമെന്ന് കുഞ്ഞാലിക്കുട്ടി