തിരുവനന്തപുരം: മുതിർന്ന മാദ്ധ്യമ പ്രവർത്തകൻ കെഎം റോയ് അന്തരിച്ചു. 82 വയസായിരുന്നു. ഇംഗ്‌ളീഷ്, മലയാളം പത്രപ്രവർത്തനത്തിൽ വ്യക്‌തിമുദ്ര പതിപ്പിച്ച മാദ്ധ്യമപ്രവർത്തകനായിരുന്നു. വാർധക്യ സഹജമായ അസുഖങ്ങളെ തുടർന്ന് ഏറെ നാളായി ചികിൽസയിലായിരുന്നു ഇദ്ദേഹം. ഇന്ത്യൻ മാദ്ധ്യമരംഗത്ത് തന്നെ വലിയൊരു നഷ്‌ടമാണ് കെഎം റോയിയുടെ വിയോഗം.
എറണാകുളം മഹാരാജാസ് കോളേജിൽ വിദ്യാർഥി ആയിരിക്കെ 1961ൽ കേരളപ്രകാശം എന്ന പത്രത്തിൽ സഹപത്രാധിപരായാണ് അദ്ദേഹം തന്റെ മാദ്ധ്യമ ജീവിതത്തിന് തുടക്കം കുറിച്ചത്. ശേഷം മുപ്പതിലേറെ പത്രങ്ങളിലും നിരവധി മാദ്ധ്യമങ്ങളിലും അദ്ദേഹം പ്രവർത്തിച്ചു. എക്കണോമിക് ടൈംസ്, ഹിന്ദു എന്നീ ദേശീയ പത്രങ്ങളിലും അദ്ദേഹം സാന്നിധ്യം അറിയിച്ചു.
കഴിഞ്ഞ രണ്ടുപതിറ്റാണ്ടുകളായി മാദ്ധ്യമരംഗത്ത് പ്രവർത്തിച്ച ഇദ്ദേഹം രണ്ടുതവണ കേരള പത്രപ്രവർത്തക യൂണിയൻ പ്രസിഡണ്ടായി പ്രവർത്തിച്ചു. ‘ഇരുളും വെളിച്ചവും’ ഉൾപ്പടെയുള്ള പുസ്‌തകങ്ങൾ അദ്ദേഹത്തിന്റേതായി പ്രസിദ്ധീകരിച്ചിട്ടുണ്ട്. സഹോദരൻ അയ്യപ്പൻ പുരസ്‌കാരം ഉൾപ്പടെ അനേകം ബഹുമതികളും ഔദ്യോഗിക ജീവിതത്തിനിടെ ഇദ്ദേഹം നേടി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
