ബെംഗളൂര്: പനിയും ശ്വാസതടസവും അനുഭവപ്പെട്ടതിനെ തുടർന്ന് കഴിഞ്ഞ ദിവസം ആശുപത്രിയിൽ പ്രവേശിപ്പിച്ച വികെ ശശികലക്ക് കോവിഡ് സ്‌ഥിരീകരിച്ചു. 63കാരിയായ ശശികല നിലവിൽ തീവ്രപരിചരണ വിഭാഗത്തിൽ ചികിൽസയിലാണ്.
2017 ഫെബ്രുവരി മുതൽ പരപ്പന അഗ്രഹാര ജയിലിൽ കഴിയുന്ന ശശികലയെ ജയിൽ മോചനത്തിന് ഒരാഴ്‌ച മാത്രം ശേഷിക്കെയാണ് ആശുപത്രിയിൽ പ്രവേശിപ്പിച്ചത്. അനധികൃത സ്വത്തു സമ്പാദന കേസിലാണ് തമിഴ്നാട് മുൻ മുഖ്യമന്ത്രി ജയലളിതയുടെ തോഴിയായ ശശികല ജയിൽ ശിക്ഷ അനുഭവിക്കുന്നത്. ഈ മാസം 27ന് ശശികല ജയിൽ മോചിതയാകുമെന്ന് റിപ്പോർട്ടുകൾ ഉണ്ടായിരുന്നു.
കഴിഞ്ഞ തിങ്കളാഴ്‌ച മുതൽ തന്നെ ശാരീരിക അസ്വസ്‌ഥതകൾ അനുഭവപ്പെട്ടിരുന്ന ശശികലയെ കടുത്ത ശ്വാസതടസവും, പനിയും, തളർച്ചയും അനുഭവപ്പെട്ടതിനെ തുടർന്ന് ബുധനാഴ്‌ചയോടെ ആണ് ആശുപത്രിയിൽ പ്രവേശിപ്പിച്ചത്.
Read Also: വിഴിഞ്ഞം തുറമുഖ നിർമാണം; കരാറിലെ അഴിമതി വിജിലൻസ് അന്വേഷിക്കുമെന്ന് സർക്കാർ
