തന്റെ പുതിയ ചിത്രത്തിന്റെ പ്രഖ്യാപനവുമായി സംവിധായകൻ വൈശാഖ്. ‘നൈറ്റ് ഡ്രൈവ്’ എന്ന് പേരിട്ടിരിക്കുന്ന ചിത്രത്തിൽ ഇന്ദ്രജിത്തും റോഷൻ മാത്യവും അന്നബെന്നുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. വൈശാഖ് തന്നെയാണ് ഇക്കാര്യം സമൂഹ മാദ്ധ്യമങ്ങളിലൂടെ പങ്കുവെച്ചത്.
ആൻ മെഗാ മീഡിയയുടെ ബാനറിൽ പ്രിയ വേണു, നീതു പിന്റോ എന്നിവരാണ് ചിത്രം നിർമിക്കുന്നത്. സൂപ്പർ ഹിറ്റ് ചിത്രം ‘മല്ലു സിംഗി’ന് ശേഷം ആൻ മെഗാ മീഡിയ നിർമിക്കുന്ന വൈശാഖ് ചിത്രമാണിത്.
ചിത്രത്തിന്റെ തിരക്കഥ ഒരുക്കുന്നത് അഭിലാഷ് പിള്ളയാണ്. രണ്ട് വര്‍ഷം മുമ്പ് തന്നെ പറഞ്ഞുകേള്‍പ്പിച്ച കഥയായിരുന്നു ‘നൈറ്റ് ഡ്രൈവിന്റേ’തെന്ന് വൈശാഖ് ഫേസ്‌ബുക്കിൽ പങ്കുവെച്ച കുറിപ്പിൽ വ്യക്‌തമാക്കുന്നു. തന്നെ വിശ്വസിച്ച തിരക്കഥാകൃത്തിനും അഭിനേതാക്കള്‍ക്കും സംവിധായകൻ നന്ദിയും അറിയിക്കുന്നുണ്ട്.
Most Read: അറിയാം പനികൂര്‍ക്ക ഇലയുടെ ഔഷധ ഗുണങ്ങൾ
