ബെംഗളൂരു: കോവിഡ് വ്യാപനത്തെ തുടർന്ന് കർണാടകയിൽ വാരാന്ത്യ കർഫ്യൂ പ്രഖ്യാപിച്ചു. വെള്ളിയാഴ്‌ച രാത്രി പത്ത് മുതൽ തിങ്കളാഴ്‌ച രാവിലെ അഞ്ച് വരെയാണ് നിയന്ത്രണം. കേരള അതിർത്തിയിൽ കർശന പരിശോധന തുടരുകയാണ്.
ബെംഗളൂരുവിൽ സ്‌കൂളുകളും കോളേജുകളും മറ്റന്നാൾ മുതൽ അടച്ചിടും. രണ്ടാഴ്‌ചത്തേക്കാണ് സ്‌കൂളുകൾ അടയ്‌ക്കുന്നത്. സർക്കാർ ഓഫിസുകളിൽ 50 ശതമാനം ജീവനക്കാർ മാത്രമേ പാടുളളൂ. മാളുകൾ, പബ്ബുകൾ, ബാറുകൾ, ജിംനേഷ്യം എന്നിവ 50 ശതമാനം ശേഷിയിൽ പ്രവർത്തിക്കും.
24 മണിക്കൂറിനുള്ളിൽ 147 ഒമൈക്രോൺ കേസുകളാണ് കർണാടകയിൽ റിപ്പോർട് ചെയ്‌തത്‌. പുതിയതായി റിപ്പോർട് ചെയ്യുന്ന കോവിഡ് കേസുകളിൽ 85 ശതമാനവും ബെംഗളൂരുവിലാണെന്ന് സർക്കാർ അറിയിച്ചു.
Kerala News: എം ശിവശങ്കറിന്റെ സസ്‌പെൻഷൻ പിൻവലിച്ചു
