കണ്ണൂര്‍: വിവാദങ്ങളില്‍ മറുപടിയുമായി മന്ത്രി ഇ.പി. ജയരാജന്റെ ഭാര്യ പി.കെ. ഇന്ദിര. ‘ബാങ്ക് ലോക്കറില്‍ പോയത് പേരക്കുട്ടികളുടെ ആഭരണങ്ങള്‍ എടുക്കാനാണ്. എവിടെയും ക്വാറന്റീന്‍ ലംഘിച്ചിട്ടില്ല. കഴിഞ്ഞ ഞായറാഴ്ചയാണ് തിരുവനന്തപുരത്ത് നിന്ന് വന്നത്. വീട്ടിലെ എല്ലാ ജോലികളും ചെയ്യുന്നത് ഞാനാണ്. ഞാന്‍ ക്വാറന്റീനിലാണെന്ന് ആരാണ് പറഞ്ഞത്. ആരെങ്കിലും ഇക്കാര്യം എന്നോട് വിളിച്ചു ചോദിച്ചോ’-.ഇന്ദിര ചോദിച്ചു
Read also: കെടി ജലീലിന് ശക്തമായ പിന്തുണ, വേട്ടയാടാന്‍ അനുവദിക്കില്ല; മുഖ്യമന്ത്രി
തനിക്ക് രണ്ട് പേരക്കുട്ടികളാണ്. പേരക്കുട്ടികളുടെ പിറന്നാളാണ് ഇരുപത്തിയഞ്ചിനും ഇരുപത്തിയേഴിനും. അവര്‍ക്ക് കൊടുക്കാന്‍ അവരുടെ ആഭരണങ്ങള്‍ എടുക്കാനാണ് കഴിഞ്ഞ വ്യാഴാഴ്ച ബാങ്കില്‍ പോയത്. അടുത്ത ദിവസം തിരുവനന്തപുരത്തേക്ക് പോകേണ്ടി വരും. തിരിച്ചുവരുന്നത് ഇരുപത്തിയഞ്ചിനു ശേഷം മാത്രമായിരിക്കും. അതുകൊണ്ടാണ് വ്യാഴാഴ്ച പോയി സ്വര്‍ണം എടുത്തത് എന്നും പി.കെ. ഇന്ദിര മാധ്യമങ്ങളോട് പ്രതികരിച്ചു
ക്വാറന്റീന്‍ കാലവധി അവസാനിക്കുന്നതിന് മുന്‍പാണ് ഇന്ദിര കേരള ബാങ്കിന്റെ കണ്ണൂര്‍ ശാഖയില്‍ എത്തിയത് എന്നായിരുന്നു ആരോപണം. ബാങ്കിലെ മുൻ മാനേജര്‍ കൂടിയായ ഇവര്‍ ലോക്കര്‍ തുറക്കുന്നതിനും മറ്റ് ഇടപാടുകള്‍ക്കുമായാണ് ബാങ്കിലെത്തിയത്.
Read also: വ്യാജ വാര്‍ത്തകള്‍ക്ക് വിലങ്ങിടാന്‍ ഐജി മനോജ് എബ്രഹാമിന്റെ നേതൃത്വത്തില്‍ പോലീസ് സംഘം
