ന്യൂ ഡെൽഹി: ബാബറി മസ്‌ജിദ്‌ കേസില്‍ പ്രതി ചേര്‍ക്കപ്പെട്ടവരെ പ്രത്യേക സി.ബി.ഐ കോടതി വെറുതെ വിട്ടതിനെ വിമര്‍ശിച്ച് കോണ്‍ഗ്രസ് നേതാവും എം പിയുമായ ശശി തരൂര്‍ രംഗത്ത്. അക്രമാസക്തരായ ജനക്കൂട്ടത്തെ കുറ്റകൃത്യത്തിന് പ്രേരിപ്പിക്കുന്നത് കുറ്റമല്ലെങ്കില്‍ ഡല്‍ഹി കലാപവുമായി ബന്ധപ്പെട്ട കേസ് എന്തിനാണെന്ന് ശശി തരൂര്‍ ചോദിച്ചു.
‘ബാബറി മസ്‌ജിദ്‌ കേസ് വിധിച്ച ജഡ്‌ജിയുടെ വാദം മസ്‌ജിദ്‌ തകര്‍ക്കാന്‍ ആരും ആസൂത്രണം ചെയ്‌തിട്ടില്ല എന്നും അത് പെട്ടെന്നുണ്ടായ ഒരു സംഭവമാണെന്നുമാണ് മനസിലാക്കാന്‍ സാധിക്കുന്നത്. പക്ഷെ കുറ്റകൃത്യത്തിന് പ്രേരിപ്പിക്കുന്നത് കുറ്റമല്ലേ?’ ആക്രമണം നടത്താന്‍ തുനിഞ്ഞിറങ്ങിയ ജനക്കൂട്ടത്തെ കൂടുതല്‍ പ്രകോപിതരാക്കുന്നത് കുറ്റമല്ലെങ്കില്‍ ഡല്‍ഹി കലാപത്തിന്റെ പേരിലുള്ള കേസ് എന്താണെന്നും ആയിരുന്നു തരൂരിന്റെ ട്വീറ്റ്.
The judge in the #BabriMasjidDemolitionCase seems to be arguing that no one planned the mosque’s destruction & it was a spontaneous act. But surely incitement is a crime? If igniting the hotheads who undertook violence is not chargeable, then what are the Delhi riots cases about?
— Shashi Tharoor (@ShashiTharoor) October 1, 2020
ബാബറി മസ്‌ജിദ്‌ കേസില്‍ പ്രതി ചേര്‍ക്കപ്പെട്ട എല്ലാവരെയും വെറുതെ വിട്ടു കൊണ്ടായിരുന്നു പ്രത്യേക സി ബി ഐ കോടതി വിധി പറഞ്ഞത്. ബി ജെ പി നേതാക്കളായ മുരളി മനോഹര്‍ ജോഷി, ഉമാ ഭാരതി, എല്‍ കെ അദ്വാനി എന്നിവരായിരുന്നു പ്രധാന പ്രതികള്‍.
Read also: അതിര്‍ത്തിയില്‍ വീണ്ടും വെടി നിര്‍ത്തല്‍ കരാര്‍ ലംഘിച്ച് പാകിസ്ഥാന്‍
