കോഴിക്കോട്: വനത്തില്‍ കയറി കാട്ടുപന്നിയെ വേട്ടയാടിയ സംഘത്തിലെ ഒരാള്‍ അറസ്‌റ്റില്‍. താമരശ്ശേരി റെയ്ഞ്ചിലെ ചിപ്പിലിത്തോട് വനത്തിൽ കയറി കാട്ടുപന്നിയെ വേട്ടയാടിയ കോടഞ്ചേരി മീൻമുട്ടി കാട്ടിലേടത്ത് ചന്ദ്രന്‍ (52) ആണ് പിടിയിലായത്. ഇയാളിൽ നിന്നും നാടന്‍ തോക്കും തിരകളും ഇറച്ചിയും കണ്ടെടുത്തു.
ഇയാൾ വന്യമൃഗങ്ങളെ വേട്ടയാടി ഇറച്ചി വില്‍പന നടത്തുന്ന സംഘത്തില്‍ ഉള്‍പ്പെട്ടയാളാണെന്നും സംഘത്തില്‍ ഇനിയും പ്രതികള്‍ ഉണ്ടെന്നും താമരശ്ശേരി റെയിഞ്ച് ഓഫീസര്‍ എംകെ രാജീവ്കുമാര്‍ അറിയിച്ചു. താമരശ്ശേരി ജെഎഫ്‌സിഎം കോടതി റിമാന്‍ഡ് ചെയ്‌ത പ്രതിയെ സബ് ജയിലിലേക്ക് അയച്ചു.
Malabar News: രാജിവയ്‌ക്കണം, അല്ലെങ്കിൽ പുറത്താക്കണം; മുല്ലപ്പള്ളിക്ക് എതിരെ ധർമ്മടത്തെ യുഡിഎഫ് സ്‌ഥാനാർഥി
