മനുഷ്യരേക്കാൾ വിവേചന ബുദ്ധി മൃഗങ്ങൾ കാണിക്കാറുണ്ട് എന്നത് വ്യക്തമാക്കുന്ന നിരവധി സംഭവങ്ങൾ സോഷ്യൽ മീഡിയയിലൂടെയും നേരിട്ടും മറ്റും നാം കാണാറുണ്ട്. ഈ വസ്തുത ഒരിക്കൽ കൂടി തെളിയിക്കുന്ന സംഭവമാണ് തമിഴ്നാട്ടിലെ സത്യമംഗലത്ത് നടന്നത്.
ഇവിടുത്തെ വാഴത്തോട്ടത്തിൽ കയറിയ കാട്ടാനക്കൂട്ടം കർഷകർക്ക് വ്യാപക നാശനഷ്ടം വരുത്തി. ഏറെ നാളത്തെ കഷ്ടപ്പാടിനെയെല്ലാം ഒറ്റ രാത്രികൊണ്ട് അവർ തകർത്ത് തരിപ്പണമാക്കി എന്നു വേണം പറയാൻ. എന്നാൽ രാവിലെ വാഴത്തോട്ടത്തിൽ എത്തിയ കർഷകർക്ക് മുന്നിൽ വേദനിപ്പിക്കുന്ന കാഴ്ചക്കൊപ്പം ഒരു അൽഭുതം കൂടി ബാക്കിവച്ചാണ് കാട്ടാനക്കൂട്ടം മടങ്ങിയത്.
ഒരു വാഴ മാത്രം ഒന്നും ചെയ്യാതെ കാട്ടാനകൾ ബാക്കി വച്ചിരുന്നു. ബാക്കിയെല്ലാം ഉഴുതുമറിച്ചു പോയ കാട്ടാനകൾ എന്തുകൊണ്ട് ഒരു വാഴ മാത്രം ബാക്കി വച്ചു എന്നറിയാൻ അടുത്തു പോയി നോക്കിയപ്പോഴാണ് ശരിക്കുമുള്ള അൽഭുതം കണ്ടത്. കുരുവി കൂടുവച്ച വാഴയായിരുന്നു അത്. വഴക്കുലയോട് ചേർന്ന് തള്ളക്കുരുവി ഒരുക്കിയ കൂട്ടിൽ പറക്കമുറ്റാത്ത അഞ്ച് കുഞ്ഞുങ്ങളും ഉണ്ടായിരുന്നു.
സംഭവം വാർത്തയായി. ഐഎഫ്എസ് ഓഫീസർ സുശാന്ത് നന്ദ ഉൾപ്പടെ നിരവധി പേർ ഇതിന്റെ വീഡിയോ സഹിതമുള്ള വാർത്ത പങ്കുവച്ചിട്ടുണ്ട്. ആനകളുടെ വിവേചന ബുദ്ധിയെയാണ് ഏവരും അഭിനന്ദിക്കുന്നത്.
This is the reason as to why elephants are called gentle giants. Destroyed all the banana trees , except the one having nests.
Gods amazing Nature?(Shared by @Gowrishankar005) pic.twitter.com/iK2MkOuvaM
— Susanta Nanda IFS (@susantananda3) May 7, 2021
Also Read: ഇതും സൗഹൃദമാണ്, കലർപ്പില്ലാത്ത സ്നേഹം; വൈറലായി കുട്ടിയാനയും യുവാവും