കണ്ണൂർ: ഒരു തവണ കൂടി അഴീക്കോട് മണ്ഡലത്തിൽ മൽസരിക്കാൻ ആഗ്രഹമുണ്ടെന്ന് കെഎം ഷാജി. പാർട്ടി തീരുമാനിച്ചാൽ മൽസരിക്കുമെന്നും കെഎം ഷാജി എംഎൽഎ പറഞ്ഞു. അഴീക്കോട് യുഡിഎഫിന് ഉറപ്പുള്ള സീറ്റാണ്. കഴിഞ്ഞ തവണ കണ്ണൂരിൽ യുഡിഎഫ് തോറ്റപ്പോൾ അഴീക്കോട് ജയിച്ചു. കണ്ണൂർ, അഴീക്കോട് സീറ്റുകൾ വച്ചു മാറണമെന്ന് കോൺഗ്രസിന് ലീഗ് കത്ത് എഴുതി എന്നത് തെറ്റാണെന്നും കെഎം ഷാജി പറഞ്ഞു.
അതേസമയം, കോൺഗ്രസും ലീഗും തമ്മിൽ ചില സീറ്റുകൾ വെച്ചു മാറുന്നതിനുള്ള ആവശ്യങ്ങൾ മുന്നണിയിൽ മുന്നോട്ട് വെച്ചിട്ടുണ്ടെന്ന് മുസ്ലിം ലീഗ് നേതാവ് എംകെ മുനീർ പറഞ്ഞു. ഒരാഴ്ചക്കുള്ളിൽ യുഡിഎഫിലെ സീറ്റ് വിഭജന ചർച്ചകൾ തീരുമെന്നും അതിന് ശേഷം സ്ഥാനാർഥി പട്ടിക പുറത്തിറക്കുമെന്നും എംകെ മുനീർ പറഞ്ഞു. നിലവിലെ ധാരണ പ്രകാരം അധികം ലഭിച്ച 3 സീറ്റുകൾ ഉൾപ്പടെ നിയമസഭാ തിരഞ്ഞെടുപ്പിൽ 27 സീറ്റിൽ ലീഗ് മൽസരിക്കും.
Read also: വ്യാപാര സ്ഥാപനങ്ങൾ ‘പണിമുടക്കില്ല’; നാളെ തുറന്ന് പ്രവർത്തിക്കും