ന്യൂഡെൽഹി: ഇസ്‌ലാമിക് പണ്ഡിതൻ സാകിർ നായികിന്റെ സംഘടന ഇസ്‌ലാമിക് റിസർച്ച് ഫൗണ്ടേഷൻ നിയമവിരുദ്ധം തന്നെയെന്ന് യുഎപിഎ ട്രിബ്യൂണൽ. ഐആർഎഫ് നിയമവിരുദ്ധ സംഘടനയാണെന്ന് ഉറപ്പിക്കാൻ മതിയായ കാരണങ്ങളുണ്ടെന്നും ട്രിബ്യൂണൽ നിരീക്ഷിച്ചു.
തീവ്രവാദത്തിനുള്ള ധനസഹായം, വിദ്വേഷ പ്രസംഗം, പണക്കടത്ത് തുടങ്ങി വിവിധ കുറ്റകൃത്യങ്ങളിൽ ഇന്ത്യ തിരയുന്ന സാകിർ നായിക് 2016ൽ രാജ്യം വിട്ടിരുന്നു. എൻഐഎ അന്വേഷണം പ്രഖ്യാപിച്ചതിന് പിന്നാലെയായിരുന്നു ഇത്.
തുടർന്ന് സാകിർ നായികിന്റെ സംഘടനയായ ഐആർഎഫിനെ ആഭ്യന്തര മന്ത്രാലയം കഴിഞ്ഞ നവംബർ വരെ നിരോധിച്ചിരുന്നു. കഴിഞ്ഞ മാസം ഈ വിലക്ക് അഞ്ച് വർഷം കൂടി നീട്ടി.
തുടർന്നാണ് വിഷയത്തിൽ യുഎപിഎ ട്രിബ്യൂണൽ നിലപാടെടുത്തത്. സാകിർ നായിക് നേതൃത്വം നൽകുന്ന ചാനലുകളായ പീസ് ടിവി, പീസ് ടിവി ഉർദു എന്നിവ ഇന്ത്യയുൾപ്പെടെ അഞ്ച് രാജ്യങ്ങൾ നിരോധിച്ചിരുന്നു. ബംഗ്ളാദേശ്, യുകെ, കാനഡ, ശ്രീലങ്ക എന്നിവയാണ് മറ്റ് രാജ്യങ്ങൾ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
