ചണ്ഡിഗഢ്: ഹരിയാനയിലെ റെവാരിയില് സൊമാറ്റോയുടെ ഡെലിവറിമാന് വെടിയേറ്റു മരിച്ചു. ഹരിയാനയിലെ പല്വാലിലെ മഹേന്ദ്ര സിംഗാണ് കൊല്ലപ്പെട്ടത്. ഞായറാഴ്ച വൈകിട്ട് ഓർഡർ വന്നതനുസരിച്ച് ഭക്ഷണം എത്തിക്കുന്നതിന് ഇടയിലാണ് മഹേന്ദ്രന് വെടിയേറ്റത്. മോഡല് ടൗണ് പോലീസ് എഫ്ഐആര് രജിസ്റ്റര് ചെയ്ത് അന്വേഷണം ആരംഭിച്ചു.
മോഷണം നടത്താനുദ്ദേശിച്ചാണ് ഇയാളെ കൊലപ്പെടുത്തിയതെന്നാണ് പ്രാഥമിക നിഗമനം. ഇയാളുടെ മൊബൈല് ഫോണും പേഴ്സും സംഭവസ്ഥലത്തു നിന്നും നഷ്ടപ്പെട്ടതായി കണ്ടെത്തി. ടൗണ്ഷിപ്പിന് സമീപം മഹേന്ദ്ര സിംഗ് വെടിയേറ്റു കിടക്കുന്നതുകണ്ട യാത്രക്കാരാണ് പോലീസില് വിവരമറിയിച്ചത്. തുടര്ന്ന് പോലീസെത്തി ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
Read also: ഗുരു രവിദാസ് ജയന്തി; പഞ്ചാബ് നിയമസഭാ തിരഞ്ഞെടുപ്പ് നീട്ടി