ന്യൂഡെൽഹി: രാജ്യത്ത് പ്രതിദിന രോഗബാധിതരുടെ എണ്ണത്തിൽ വർധന തുടരുന്നു. കഴിഞ്ഞ 24 മണിക്കൂറിനിടെ 13,154 പേർക്കാണ് രാജ്യത്ത് കോവിഡ് സ്ഥിരീകരിച്ചത്. ഒറ്റ ദിവസം കൊണ്ട് 45 ശതമാനം വർധനയാണ് രോഗബാധിതരുടെ എണ്ണത്തിൽ ഉണ്ടായത്. ഇതോടെ നിലവിൽ രാജ്യത്ത് കോവിഡ് ബാധിതരായ ആകെ ആളുകളുടെ എണ്ണം 3,48,22,040 ആയി ഉയർന്നു.
അതേസമയം തന്നെ രാജ്യത്ത് ഒമൈക്രോൺ ബാധിതരാകുന്ന ആളുകളുടെ എണ്ണവും ഉയരുകയാണ്. ഇതുവരെ റിപ്പോർട് ചെയ്യപ്പെട്ട ആകെ ഒമൈക്രോൺ കേസുകൾ 961 ആയി ഉയർന്നു. ഇതിൽ ഏറ്റവും കൂടുതൽ രോഗബാധിതരുള്ളത് ഡെൽഹിയിലാണ്. 263 പേർക്കാണ് ഡെൽഹിയിൽ ഒമൈക്രോൺ സ്ഥിരീകരിച്ചത്. കൂടാതെ 257 പേർക്ക് മഹാരാഷ്ട്രയിലും ഇതുവരെ ഒമൈക്രോൺ സ്ഥിരീകരിച്ചിട്ടുണ്ട്.
7,486 ആളുകളാണ് രാജ്യത്ത് കഴിഞ്ഞ 24 മണിക്കൂറിൽ രോഗ മുക്തരായത്. ഇതോടെ ആകെ രോഗമുക്തരുടെ എണ്ണം 3,42,58,778 ആയി ഉയർന്നു. നിലവിൽ 82,402 പേരാണ് രാജ്യത്ത് കോവിഡ് ബാധിച്ച് ആശുപത്രികളിൽ ചികിൽസയിൽ കഴിയുന്നത്. കൂടാതെ കഴിഞ്ഞ 24 മണിക്കൂറിൽ രാജ്യത്ത് 268 കോവിഡ് മരണങ്ങൾ കൂടി സ്ഥിരീകരിച്ചതോടെ ആകെ കോവിഡ് മരണസംഖ്യ 4,80,860 ആയി ഉയർന്നു.
Read also: ന്യൂസിലൻഡ് ക്രിക്കറ്റ് ഇതിഹാസം റോസ് ടെയ്ലർ വിരമിക്കൽ പ്രഖ്യാപിച്ചു