ലഖ്‌നൗ: ഉത്തർപ്രദേശിലെ ഒരു ഗ്രാമത്തിൽ മൂന്ന് മുസ്‌ലിം പുരുഷൻമാരെ കൊണ്ട് ഏത്തമിടീപ്പിക്കുകയും ഭീഷണിപ്പെടുത്തി ‘ജയ് ശ്രീറാം’ വിളിപ്പിക്കുകയും ചെയ്യുന്ന വീഡിയോ സോഷ്യൽ മീഡിയയിൽ വൈറലാകുന്നു. ഉത്തർപ്രദേശിലെ ഖാർഗുപൂർ ജില്ലയിലെ പണ്ഡിറ്റ് ഗ്രാമത്തിലാണ് സംഭവം. മൂന്ന് മുസ്‌ലിം പുരുഷൻമാരുടെയും ആധാർ കാർഡ് ആവശ്യപ്പെടുകയും ഏത്തമിടാനും ‘ജയ് ശ്രീറാം’ വിളിക്കാനും നിർബന്ധിക്കുകയും അറിയിരുന്നു.
സംഭവത്തിന്റെ വീഡിയോ വൈറലായിരിക്കുകയാണ്. കയ്യിൽ വലിയ വടിയുമായി നിൽക്കുന്ന ആളെയും ഇയാളുടെ ഭീഷണിക്ക് വഴങ്ങി ഏത്തമിടുകയും ജയ് ശ്രീറാം വിളിക്കുകയും ചെയ്യുന്ന മൂന്നുപേരെയും വീഡിയോയിൽ കാണാം. ഇവർക്ക് ചുറ്റും ചിലർ കൂടിനിൽക്കുന്നുമുണ്ട്. എന്നാൽ ആരും തന്നെ ഇവരെ തടയുന്നില്ല. ഇനി ഒരിക്കലും പണ്ഡിറ്റ് ഗ്രാമത്തിൽ പ്രവേശിക്കരുതെന്ന് മുസ്‌ലിം പുരുഷൻമാർക്ക് മുന്നറിയിപ്പ് നൽകി. സംഭവത്തിൽ അന്വേഷണം ആരംഭിച്ച പോലീസ് ഒരാളെ അറസ്‌റ്റ് ചെയ്‌തു.
Most Read: രാജ്യത്തിനോ ജനങ്ങൾക്കോ എന്തെങ്കിലും സംഭവിച്ചാൽ ഉത്തരവാദി ബിജെപി; ശിവസേന
