തിരുവനന്തപുരം: സർക്കാർ ഇന്ന് പുറത്ത് വിട്ട കണക്കനുസരിച്ച് കഴിഞ്ഞ 24 മണിക്കൂറിനുള്ളിൽ 71,681 സാമ്പിൾ പരിശോധന വിധേയമാക്കി. ഇതിൽ 7,722 പേർക്കാണ് കോവിഡ് സ്ഥിരീകരിച്ചത്. രോഗമുക്തി നേടിയവർ 6,648 പേരും കോവിഡ് മരണം സ്ഥിരീകരിച്ചത് 86 പേർക്കുമാണ്. ഇന്നത്തെ ടെസ്റ്റ് പോസിറ്റിവിറ്റി ശതമാനം 10.77%വും ചികിൽസയിലുള്ളത് 78,722 പേരുമാണ്.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 178
കണ്ണൂർ: 336
വയനാട്: 257
കോഴിക്കോട്: 646
മലപ്പുറം: 371
പാലക്കാട്: 335
തൃശ്ശൂർ: 847
എറണാകുളം: 1047
ആലപ്പുഴ: 364
കോട്ടയം: 597
ഇടുക്കി: 431
പത്തനംതിട്ട: 421
കൊല്ലം: 805
തിരുവനന്തപുരം: 1087
സമ്പര്ക്ക രോഗികള് 7,348 ഇന്നുണ്ട്. ഉറവിടം അറിയാത്ത 286 രോഗബാധിതരും, 78,722 പേർ നിലവിൽ ചികിൽസയിലുമുണ്ട്. ആരോഗ്യരംഗത്തുള്ള 45 പേർക്കാണ് ഇന്ന് രോഗബാധ സ്ഥിരീകരിച്ചത്. സമ്പർക്ക രോഗികളുടെ ശതമാനകണക്ക് നോക്കിയാൽ അത് 95.16 ശതമാനമാണ്.ഇന്നത്തെ 7,722 രോഗബാധിതരില് 43 പേർ യാത്രാ ചരിത്രം ഉള്ളവരാണ്.
Related News: കോവിഡ് ഇന്ത്യ; 14,348 രോഗബാധ, കേരളത്തിൽ 7,738 കേസുകൾ
ഇന്ന് കോവിഡില് നിന്ന് മുക്തി നേടിയവര് 6,648, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 632, കൊല്ലം 402, പത്തനംതിട്ട 272, ആലപ്പുഴ 288, കോട്ടയം 212, ഇടുക്കി 362, എറണാകുളം 1733, തൃശൂര് 440, പാലക്കാട് 257, മലപ്പുറം 487, കോഴിക്കോട് 744, വയനാട് 195, കണ്ണൂര് 461, കാസര്ഗോഡ് 163 . ഇനി ചികിൽസയിലുള്ളത് 78,722 ഇതുവരെ ആകെ 48,43,576 പേര് കോവിഡില് നിന്നും മുക്തി നേടി.
സംസ്ഥാനത്ത് ആകെ കോവിഡ് മരണം ഇത് വരെ 31,156 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 86 ആണ്. ഇതുകൂടാതെ മതിയായ രേഖകളില്ലാത്തത് കാരണം സ്ഥിരീകരിക്കാതിരുന്ന കഴിഞ്ഞ ജൂണ് 18 വരെയുള്ള 276 മരണങ്ങളും, സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 109 മരണങ്ങളും റിപ്പോര്ട്ട് ചെയ്തിട്ടുണ്ട്.ആരോഗ്യ രംഗത്ത് നിന്ന് 45 പേർക്കാണ് ഇന്ന് രോഗബാധ സ്ഥിരീകരിച്ചത്.
Film News: ‘മാതംഗി’; ശ്വേത മേനോന് മുഖ്യ വേഷത്തിൽ, ചിത്രീകരണം പുരോഗമിക്കുന്നു
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 71,681 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) എട്ടിന് മുകളിലുള്ള 77 തദ്ദേശ സ്വയംഭരണ പ്രദേശങ്ങളിലായി 115 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.
സംസ്ഥാനത്തെ വിവിധ ജില്ലകളിലായി 2,69,451 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,61,842 പേര് വീട്/ഇൻസ്റ്റിറ്റ്യൂഷണൽ ക്വാറന്റെയ്നിലും 7,609 പേര് ആശുപത്രികളിലും നിരീക്ഷണത്തിലാണ്. 514 പേരെയാണ് ഇന്ന് പുതുതായി ആശുപത്രിയിൽ പ്രവേശിപ്പിച്ചത്.
Most Read: രജനികാന്തിനെ ശസ്ത്രക്രിയക്ക് വിധേയനാക്കി; ആരോഗ്യനിലയിൽ പുരോഗതി
