പത്തനംതിട്ട: തിരുവല്ലയില് സിപിഐഎം ലോക്കല് സെക്രട്ടറിയെ വെട്ടി കൊലപ്പെടുത്തി. സിപിഐഎം പെരിങ്ങര ലോക്കല് സെക്രട്ടറി സന്ദീപാണ് കൊല്ലപ്പെട്ടത്. ബൈക്കിലെത്തിയ മൂന്ന് പേരടങ്ങിയ സംഘം സന്ദീപിനെ വെട്ടിയെന്നും ആശുപത്രിയിലെത്തിച്ച ശേഷമാണ് മരണം സ്ഥിരീകരിച്ചത് എന്നും ഏഷ്യാനെറ്റ് ന്യൂസ് റിപ്പോര്ട് ചെയ്യുന്നു. രാത്രി എട്ടുമണിയോടെ മേപ്രാലില് വെച്ചാണ് സന്ദീപിന് നേരെ ആക്രമണം ഉണ്ടായത്. മുന് പഞ്ചായത്ത് അംഗം കൂടിയായിരുന്നു സന്ദീപ്.
ആക്രമണത്തെ തുടർന്ന് സന്ദീപിന് മാരകമായി മുറിവേറ്റിരുന്നു. കൊലപാതകത്തെ കുറിച്ച് പോലീസ് അന്വേഷണം ആരംഭിച്ചിട്ടുണ്ട്. പ്രദേശത്ത് കുറച്ച് ദിവസങ്ങളായി ആര്എസ്എസ്-സിപിഐഎം സംഘര്ഷം നടന്നുവരുന്നതായും റിപ്പോര്ട്ടുകളുണ്ട്. ബൈക്കിലെത്തിയ മൂന്നംഗസംഘം ആരാണെന്ന് ഇനിയും സ്ഥിരീകരിക്കാനായിട്ടില്ല. സംഭവത്തിന് പിന്നില് ആർഎസ്എസ് ആണെന്നാണ് സിപിഐഎം ആരോപിക്കുന്നത്.
Read also: കൺസഷൻ മിനിമം 6 രൂപ വേണമെന്ന് ബസുടമകൾ; പ്രതിഷേധിച്ച് വിദ്യാർഥി സംഘടനകൾ
