തിരഞ്ഞെടുപ്പ് കമ്മീഷണർ ഗ്യാനേഷ് കുമാർ (Image Courtesy: Wikipedia)
ന്യൂഡെൽഹി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ന് പൗരാവകാശ പ്രവർത്തകരുടെ രാജ്യവ്യാപക പ്രതിഷേധം. ‘പീപ്പിൾ എഗൻസ്‌റ്റ് എസ്‌ഐആർ’ എന്ന കൂട്ടായ്‌മയുടെ നേതൃത്വത്തിൽ ഡെൽഹിയിലടക്കം രാജ്യത്തെ വിവിധയിടങ്ങളിൽ മാർച്ച് സംഘടിപ്പിക്കും.
അതിനിടെ, പീസ് ബോണ്ട് ചോദ്യം ചെയ്‌തുള്ള നേഹാ ബോറയുടെ ഹരജിയിൽ ഡെൽഹി ഹൈക്കോടതി ഇന്ന് വിധി പറയുന്നു. സിജെപി നേതാക്കൾക്ക് ചോദ്യം ചെയ്യലിന് ഹാജരാകാൻ വീണ്ടും നൽകാനൊരുങ്ങുകയാണ് ഡെൽഹി പോലീസ്. കർശന ജാമ്യ വ്യവസ്‌ഥയിൽ ജയിൽ മോചിതരായ സിജെപി നേതാക്കൾ ഡെൽഹി പോലീസ് ക്രൈം ബ്രാഞ്ചിന് മുന്നിൽ ഇന്നലെ ഹാജരായില്ല.
ചോദ്യം ചെയ്യലിന് ഹാജരാകാനാകില്ലെന്ന് സൗരവ് ദാസ് അടക്കം നേതാക്കൾ പോലീസിനെ അറിയിക്കുകയായിരുന്നു. ജന്തർ മന്തറിലെ പ്രതിഷേധത്തിൽ ഏഴുദിവസത്തെ ജയിൽവാസത്തിന് ശേഷം കഴിഞ്ഞദിവസം രാത്രിയാണ് അശുതോഷ് റാങ്കയും സൗരവ് ദാസും മോചിതനായത്.
സ്‌പെഷ്യൽ എക്‌സിക്യൂട്ടീവ് മജിസ്‌ട്രേറ്റ് മുന്നോട്ടുവെച്ചത് കർശന ഉപാധികളായിരുന്നു. പ്രതിഷേധ വിലക്കുള്ള ജന്തർ മന്തറിൽ പ്രതിഷേധിക്കില്ലെന്ന് പറഞ്ഞ സിജെപി നേതാക്കൾ ക്ഷമാപണവും നടത്തിയിരുന്നു. പ്രതിഷേധത്തിന് ആഹ്വനം ചെയ്യില്ലെന്നും സമാധാന അന്തരീക്ഷം തകർക്കില്ലെന്നും ഇരുവരും ഉറപ്പ് നൽകിയിരുന്നു. പുറത്തിറങ്ങിയതിന് പിന്നാലെയാണ് ക്രൈം ബ്രാഞ്ചിന്റെ ചോദ്യം ചെയ്യൽ നോട്ടീസ് ലഭിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
