ഇടുക്കി: കേരളത്തെ ഞെട്ടിച്ച് യുവതിക്കു നേരെ ആസിഡ് ആക്രമണം. ഇടുക്കി വാത്തിക്കുടിയിൽ പഞ്ചായത്ത് വൈസ് പ്രസിഡന്റ് ശ്രീജയുടെ മുഖത്താണ് ഭർത്താവ് അനിൽ ആസിഡ് ഒഴിച്ചത്. കുടുംബ പ്രശ്നങ്ങളെ തുടർന്നാണ് ആക്രമണമെന്നാണ് പോലീസിന്റെ നിഗമനം. ഗുരുതരമായി പൊള്ളലേറ്റ ശ്രീജയെ തൊടുപുഴയിലെ ആശുപത്രിയിൽ പ്രവേശിപ്പിച്ചു. സംഭവത്തിൽ ഭർത്താവ് അനിലിനെ മുരിക്കാശേരി പോലീസ് കസ്റ്റഡിയിലെടുത്തിട്ടുണ്ട്.
ചൊവ്വാഴ്ച വൈകിട്ടോടെയാണ് യുവതിക്കുനേരെ ഭർത്താവിന്റെ ആക്രമണം ഉണ്ടായതെന്നാണ് വിവരം. പഞ്ചായത്ത് മീറ്റിംഗ് കഴിഞ്ഞ് ഉച്ചക്കുശേഷം വീട്ടിലെത്തിയ ശ്രീജയ്ക്കുനേരെ ഭർത്താവ് ആസിഡ് ഒഴിക്കുകയായിരുന്നു. ശ്രീജയുടെ മുഖത്തും ശരീര ഭാഗങ്ങളിലും പൊള്ളലേറ്റിട്ടുണ്ട്.