എറണാകുളം: നടൻ ശ്രീനിവാസനെ വെന്റിലേറ്ററിൽ നിന്നും മാറ്റിയതായി ആശുപത്രി അധികൃതർ വ്യക്തമാക്കി. നിലവിൽ അദ്ദേഹത്തിന്റെ ആരോഗ്യനില തൃപ്തികരമാണെന്നും, വേഗം തന്നെ സുഖം പ്രാപിക്കുമെന്നും ആശുപത്രി അധികൃതർ കൂട്ടിച്ചേർത്തു. ഹൃദയ സംബന്ധമായ അസുഖങ്ങളെ തുടർന്നാണ് ശ്രീനിവാസനെ കൊച്ചി അപ്പോളോ അഡ്ലക്സ് ആശുപത്രിയിൽ ചികിൽസയിൽ പ്രവേശിപ്പിച്ചത്.
നെഞ്ചുവേദനയെ തുടർന്ന് ആശുപത്രിയിൽ പ്രവേശിപ്പിച്ച നടന് ആൻജിയോഗ്രാം പരിശോധനയിൽ ഹൃദയധമനികളിൽ തടസം കണ്ടെത്തുകയും, കഴിഞ്ഞ മാർച്ച് 31ആം തീയതി ബൈപാസ് സർജറിക്ക് വിധേയനാക്കുകയും ചെയ്തിരുന്നു. ശസ്ത്രക്രിയക്ക് ശേഷം 3 ദിവസം വെന്റിലേറ്ററിൽ കഴിഞ്ഞ അദ്ദേഹത്തെ പിന്നീട് വെന്റിലേറ്ററിൽ നിന്നും മാറ്റിയിരുന്നു. എന്നാൽ അണുബാധ ഉണ്ടായതിനെ തുടർന്ന് അദ്ദേഹത്തെ വീണ്ടും വെന്റിലേറ്ററിൽ പ്രവേശിപ്പിക്കുകയായിരുന്നു.
Read also: ഭക്ഷ്യസുരക്ഷാ പരിശോധനകള് കര്ശനമാക്കും; മന്ത്രി വീണാ ജോര്ജ്