തിരുവനന്തപുരം: ആലപ്പുഴ ബൈപ്പാസ് ഉൽഘാടനവുമായി ബന്ധപ്പെട്ട് യാതൊരു വിവാദവും ഇല്ലെന്ന് മന്ത്രി ജി സുധാകരൻ. കേന്ദ്രം അയച്ച ഉൽഘാടന പരിപാടിയിൽ ആലപ്പുഴ എംപി എഎം ആരിഫും മുൻ എംപി കെസി വേണുഗോപാലും ഉണ്ടായിരുന്നില്ല. ഇവരുടെയും ആലപ്പുഴ നഗരസഭ അധ്യക്ഷയുടെയും പേര് ഉൾപ്പെടുത്തി മറുപടി നൽകിയിട്ടുണ്ട്. അന്തിമ ലിസ്‌റ്റിൽ ഇവർ ഉണ്ടാകുമെന്നാണ് പ്രതീക്ഷ. ഇതുമായി ബന്ധപ്പെട്ട് യാതൊരു വിവാദത്തിനും അടിസ്‌ഥാനമില്ലെന്നും മന്ത്രി പറഞ്ഞു.
അതേസമയം, ആലപ്പുഴ ബൈപ്പാസ് ഉൽഘാടന ചടങ്ങിൽ സംസ്‌ഥാനം നൽകിയ പട്ടികയിൽ നിന്ന് ജില്ലയിലെ മന്ത്രിമാരെയും എംപിമാരെയും ഒഴിവാക്കിയ സംഭവത്തിൽ എംഎം ആരിഫ് എംപി വിമർശനം ഉന്നയിച്ചു . കെസി വേണുഗോപാലും ഇതിനെതിരെ രംഗത്ത് വന്നിരുന്നു. ഈ മാസം 28ന് നടക്കുന്ന ഉദ്ഘാടനച്ചടങ്ങിൽ നിന്ന് മന്ത്രിമാരായ തോമസ് ഐസക്, പി തിലോത്തമൻ, എംപിമാരായ എംഎം ആരിഫ്, കെസി വേണുഗോപാൽ എന്നിവരെയാണ് കേന്ദ്ര സർക്കാർ ഒഴിവാക്കിയിരുന്നത്.
Read Also: ആലപ്പുഴ ബൈപ്പാസ് ഉൽഘാടനം; എംപിമാരെയും, മന്ത്രിമാരെയും ഒഴിവാക്കിയ കേന്ദ്ര നടപടി വിവാദത്തിൽ
